ఈ పుట అచ్చుదిద్దబడ్డది
76
ద్విపదభాగవతము
నంకించి వెసఁబాడియాడి కీర్తించి
కన్నుల మెఱుఁగు లక్కజముగా నిగుడఁ
గ్రన్ననఁ జండికాగారంబు వెడలి
చండికాగారము వదలి వచ్చుచు కృష్ణునిఁ గానక రుక్మిణి కలఁగుట
జలజాక్షురామికిఁ జంచలంబందుఁ
దలపోయు, మార్గంబుఁ దప్పక చూచు
“నావల శుభలగ్న మాసన్నమాయె
నావిష్ణుఁ డేలకో యరుదేరతడసె!
ఆవిప్రవరునితో నాడినమాట
నేవిధంబున తప్పఁడేలకో! ఇంక
నింతట హరి రాక యెడసేసెనేని
కంతుని పూనిక కడతేరకున్నె!"140
అని విచారింపుచో నాసీరితోనఁ
జనుదెంచి విమలభీషణవృత్తిఁ దోఁప
గరుడకేతనకాంతి గగనంబు గప్ప
నరదంబుపైఁ గృష్ణుఁ డడ్డంబు వచ్చి
కనియెఁ గోమలి నీలకచఁ గంబుకంఠిఁ
దనుమధ్య నుత్ఫుల్ల తామరసాక్షి
నారూఢయవ్వన నమృతాంశుముఖిని
హారకంకణనూపురాలంకృతాంగి
నాదిమలక్ష్మిఁ గన్యాశిరోమణిని
వైదర్భిఁ గని యదువరుఁ డుత్సహించె.
