పుట:Dvipada-Bagavathamu.pdf/114

72

ద్విపదభాగవతము

నారాజబింబాస్య నటతోడి తేరఁ
గలికి రాయంచల గతుల గీడ్వఱచుఁ
జెలువలు నలుగడఁ జెన్నారి కొలువ
పటహకాహళశంఖఫణవాదు లొలయ
పటుతరంబగు వీరభటకోటి కొలువ
దేవతనగరి కేతెమ్మన్న, శౌరి
కావార్త యెఱిఁగింప నవ్విప్రుఁ బంచె,
ఆమెలఁత కాల్నడ నరుదెంచె నప్పు
డేమని వర్ణింతు! ఇభపురాధీశ!90
అడుగడుగిడుచోట నవనియంతయును
గడునొప్పు పద్మరాగశ్రీ వహించు;
ఉచ్చిఁతపండ్లతో నుల్లసంబాడు
నచ్చపలాక్ష్మికి నంగుష్ఠచయము;
వదనఖద్యుతు లనుపచరించు నెలవుఁ
గదియ మౌక్తికములుఁ గట్టి నట్లుండు;
తనరు గచ్ఛపనిధిద్వయ మింతిపాద
వనజాతములమీఁద వ్రాలెనో యనఁగ;
గమనజాడ్యము శుభాకరమును నగుచుఁ
గమనీయలీల మీఁగాళ్ళొప్పు సతికి;
పగడంపుఁదీగెలపంక్తులో యనఁగ
మగువకు నొప్పారు మడిమెల తీరు;
తరిసేయు మదనుపుత్తళికలుఁ దమకు
నెరతనంబంచును నెరసులు వలుకు
గనకకాహళకాంతిఁ గడచి చూపరకుఁ
గనుపట్టు కాంతజంఘలు దన్యమగుచు;