ఈ పుట అచ్చుదిద్దబడ్డది
168
చాటుపద్యరత్నాకరము
ఈ వీరమల్లన యొకకవికి మాన్య మిచ్చి, మఱల తానే కైకొనెనఁట. ఆసంగతి నాకవి యిట్లు వెల్లడి చేసెను.
ఆ. తోడబుట్టనదానిఁ దొలుతన మను విచ్చి
వయసు వచ్చువెన్క వలచినట్లు
రమణ మాన్య మిచ్చి రావిళమల్లన్న
కమతమందు తానె కలుపుకొనియె.
శాకమూరి యెల్లయజన్నయ
క. బాలుఁడు వెతలం బెట్టినఁ
దాళవలెన్ దల్లి యర్థి తగ బాధింపన్
దాళవలె దాత యితరుల
కేలా మఱి శాకమూరి యెల్లయజన్నా!
గద్వాలప్రభువులు
సోమభూపాలుఁడు
క. గద్వాల సోమభూపా!
మృద్వాకప్రసవతుల్యమృదులాలాపా!
విద్వద్విసరదిలీపా!
సద్విద్యాభోజభూప! శాత్రవతాపా!
క. నలుగురుఁ బలికిరి సరి యని
నలుగురు బలికిరి సురూపనయదానధరా
వలయధురాచరణోన్నతిఁ
బొలువుగ గద్వాలసోమభూపాలునకున్.