ఈ పుట అచ్చుదిద్దబడ్డది
శ్రీరస్తు
చాటుపద్యరత్నాకరము
తృతీయతరంగము
కృష్ణదేవరాయలు
ఈప్రభువు పదియాఱవ శతాబ్దిలో నున్నవాఁడు. పండితకవుల నాదరించి యాంధ్రభాషను మరల వృద్ధికిఁ దెచ్చినవాఁ డగుటయే గాక తాను గొప్పకవియై విష్ణుచిత్తీయమను మహాకావ్యము రచించి సుస్థిరయశంబు నందినవాఁడు. ఈమహాపురుషుని జననమునుగూర్చిన చాటువు—
ఉ. అందలిశాలివాహనశకాబ్దము లద్రివసుత్రిసోములన్
వందితమైనయవ్వికృతివత్సరమందలిపుష్యమాసమం
దుందగఁ గృష్ణపక్షమున నుండెడుద్వాదశిశుక్రవాసరం
బం దుదయించెఁ గృష్ణుఁడు శుభాన్వితుఁ డానరసింహమూర్తికిన్.
ఈరాజకవిని వేఱొకకవి యాశీర్వదించిన యాశీర్వాదము—
గీ. పద్మనాట్యస్థలంబునఁ బక్కిలోనఁ
బైరుపైఁ బవ్వళించిన పరమమూర్తి
యనుదినంబును కృష్ణరాయాధిపునకుఁ
జుక్కజగడాలవేలుపు శుభము లొసఁగు.
