ఈ పుట ఆమోదించబడ్డది
24
ఆంధ్రభాషాభూషణము
బంట్లు బంటులు నా బండ్లు బండు లనఁగ
గుంట్ర గుంటర నా గుండ్ర గుండ రనఁగ. 99
క. కూఁతురుపదము రుకారము
బ్రాఁతిగఁ దాఁ జెడు విభక్తి పైఁ బెట్టినచోఁ
గూఁతురు కూఁతుం గనియెను
గూఁతులచేఁ గూఁతువలనఁ గూఁతులధనముల్. 100
వ. అనంతరంబ సంబోధనంబు లెఱింగించెద. 101
తే. ఏకవచనపుఁదుదలందు నెలసి నిలుచు
నుత్వ మత్వ మౌ నిత్వంబు నీత్వ మొందు
నార బహువచనంబు పైఁ జేరి నిలుచు
హ్రస్వములు నిడుపు లగుఁ గవ్యనుమతమున. 102
క. సుతుఁడ సుతుండా యనఁగ సు
దతి సుదతీ యనఁగ విమలతరమతులారా
హితకారులార యనఁగా
నతిశయముగ వరుసతో నుదాహరణంబుల్. 103
క. అమర డు సంబోధనత
త్సమములఁ బొడచూపు నొక్కతఱి నోపురుషో
త్తమ యోపురుషోత్తముఁడా!
విమలయశా విమలయశుఁడ వినుమని చనుటన్. 104
వ. యుష్మదస్మత్పదంబు లెఱింగించెద. 105
