ఈ పుట అచ్చుదిద్దబడ్డది
తృతీయాంకము] సీతావనవాసము 23
భద్రు : ఓసీ మాయలాఁడి. [చేయిపట్టుకొని యొడి తడవును]
మందా : [చిఱునవ్వుతో] భద్రా, మనకిరువురికి పాణిగ్రహణమా?
భద్రు : ఛీ! ఛీ! గయ్యాళి. [చేయివదలును]
మందా : నీ రసికత్వము తెలిసిందిగాని, పురోహితుని యెక్కడనైన చూచినావా ?
భద్రు : ఎందుకు ?
మందా : నిన్నటిరాత్రి నాలుగోజామున దేవిగారు దుస్వప్నము గన్నారఁట. అందుకై శాంతిపూజ చేయించవలసిందని ఆజ్ఞ అయింది.
భద్రు : [ఆశ్చర్యముతో] దుస్వప్నమా ! ఔరా ! దుర్భిక్షమునకు ముందు ధూమకేతువు.
మందా : [స్వగతము] ఈ ముసలి భద్రునకు ప్రతిదియు అమిత ముఖ్యముగ దోఁచు చుండును.
భద్రు : మందారికా, పురోహితుఁ డెక్కడనున్నాఁడో నాకుఁ దెలియదు.
మందా : ఈ వానకా ఇన్ని ఢమఢమలు ? [నిష్క్రమించును.]
భద్రు : ఇఁక నాలసింపఁదగదు. సేవకు లస్వరంత్రులుగదా.
[యవలిక.]