పుట:2015.390519.Shashamka-Vijayamu.pdf/144

144

శశాంక విజయము

⁠

సాటి యొకింత లేకయె ప్రసర్పకదక్షిణ నిచ్చె దేవతా కోటులు సన్నుతింప శశి కోటులసంఖ్యలుగా మఖంబునన్.

⁠ 158

ఆ.⁠

సుప్రయోగమునను విప్రగణంబుతో నాప్రయోగమునను యాగ మట్లు చేసి యనభృథంబు జేసి పత్నులు దాను నమృతకరుఁడు నిష్ఠ నమరనదిని.

⁠ 159

క.⁠

ఆరాజు రాజసూయం బీరీతి నొనర్చి యెంత నెంతయు నిష్ఠన్ వారిజభవ నారాయణ గౌరీశులఁ గూర్చి తపముఁ గావించి తగన్.

⁠ 160

క.⁠

ఆతపమునకుఁ జలింపక నాతప మిట్లాచరింప నతని కజమురా రాతి మహేశాను లతి ప్రీతిం బొడఁగట్టి రమరబృందము గొల్వన్.

⁠ 161

ఉ.⁠

రాజమనోజ్ఞ తేజ ద్విజరాజవు గమ్మని బ్రహ్మఁ బూన్చె స త్పూజితలీల సద్గ్రహవిభుత్వమునన్ విలసిల్లు మంచు నం భోజవిలోచనుం డునిచె మోదముతో ధరియించె నౌదలన్ రాజకిరీటసంజ్ఞ తగ నాగవిభూషణుఁ డానిశాకరున్.

⁠ 162

క.⁠

హరిణాంకుం డీకరణి స్వరములు గైకొని మగ్రవైభవ మెసఁగన్ బురమునకు వచ్చి నీతి స్ఫురణత జను లెన్న నిఖిలభువనము లేలెన్.

⁠ 163

సీ.⁠

సమయంబు దప్పక జలదము ల్వర్షించె         హర్షించె మిగుల బ్రాహ్మణకులంబు ధరణి ముక్కాఱును దరగనిగతిఁ బండె         నిండె యాగక్రియ ల్నిఖిలదిశల ధర్మంబు నాల్గుపాదంబులఁ గన నయ్యె         విన నయ్యె నూరూర వేదరవము క్రేపులు తమయంత క్షీరము ల్గురిసెను         విరిసెను చోరాగ్ని వృజినభయము

⁠