పుట:2015.390519.Shashamka-Vijayamu.pdf/143

పంచమాశ్వాసము

143

క.⁠

కువలయమిత్రుం డంతట సువిహితనయసరణి రాజసూయము సేయన్ నవనీతదీక్షఁ గైకొని ప్రవిశన మొనరించె శాలఁ బత్నులుఁ దానున్.

⁠ 153

సీ.⁠

జనమోదనంబులు శాల్యోదనంబులు         సురుచిరరూపము ల్సూపములును పటుసౌరభాన్వితపాకము ల్శాకము         లతులితరసములు నతిరసములు హితవాసనాసమన్వితములు ఘృతములు         జితమనుసారము ల్క్షీరములును సమధికరుచివిలాసములు పాయసములు         నధరీకృతామృతోదధులు దధులు

⁠

గీ.⁠

చవులు పొగడుచు పఙ్క్తులు సాగి వేడ్క వెలయ భుజియించి కపురంపువిడియములను జేకొని యహర్నిశంబు నాశీర్వదింతు రవనిసురు లబ్జు రాజసూయాధ్వరమున.

⁠ 154

ఉ.⁠

అత్రివసిష్ఠదక్షపులహాంగిరులాదిమహామునీంద్రు లౌ ద్గాత్రము హౌత్ర మాధ్వరము దక్కును గల్గినయాగకర్మము ల్సూత్రవిధానవైఖరిని జొప్పడఁ జేయఁగ నక్కుముద్వతీ మిత్రుఁడు రాజసూయమును మేలుగఁ జేసె విరించి మెచ్చఁగన్.

⁠ 155

చ.⁠

అనలుఁడు నమ్మహాధ్వరమునందుఁ జెలంగి ప్రదక్షిణార్చి యై యనుపమమంత్రపూతములు నాహుతు లంది యథాక్రమంబుగా ననిమిషకోటి కియ్య నతిహర్షమునం గొని తృప్తి నొంది దీ వెన లొనరించి రివ్విధుని వేయువిధంబుల సన్నుతించుచున్.

⁠ 156

క.⁠

స్తుత్యాహంబున మునిసం స్తుత్యముగా నిచ్చె ఋత్విజులకు శశాంకుం డత్యనుపమదానకళా నిత్యుండై సకలధారుణీమండలమున్.

⁠ 157

ఉ.⁠

ఘోటకము ల్రథంబులును గుంజరము ల్శిబికాసమూహము ల్హాటకము ల్ధనౌఘములు నంబరము న్మణిభూషణంబులున్

⁠