డతిలోభి రాజన కర్థంబు నడుగని వాఁడె పో పండితవర్యుఁ డరయఁ గాఁపు మంత్రులలోనఁ గాటేరి దైవంబు కొక్కెరాయలలోనఁ గొంగ ఘనము గుడిసెవేటుల నిల్లాలు గుత్తులంజె గనుక నీ రీతిఁ బెక్కులు గలవు తలప మదరిపువిఫాల మునిజనహృదయలోల వేణుగోపాల భక్తసంత్రాణశీల!
నందిగణం బెక్కి నడువీథినే వచ్చు దైవమో గంగ మోదమ్ము రాజో ఇసకాప్పసీనఁడో యీరుఁడో యీసుఁడో యీసుడైతే యెనకఁ దోఁకలేదె ఆళ్ళరో గణపతో అమ్మ చీతమ్మరో చీతామ్మరైయుంటె సింగమేది మంచిది చూతాము మారమ్మ కాబోలు మారెమ్మయైతేను మాలయేది ప్రాకృతజనంబు లీరీతిఁ బలుకుచుంద్రు తెలివి యించుక లేకను దెలిసికొనక మదరిపువిఫాల మునిజనహృదయలోల వేణుగోపాల భక్తసంత్రాణశీల!
పొరుగూరి కేగినఁ బోవునే దుర్దశ గాదె పెండిలి సన్నికల్లు దాఁచ డొంకల డాఁగ బిడుగుపాటు దప్పునె కాలడ్డ నిలుచునే గాంగఝురము కుమతిచేఁ జెడునె యెక్కుడు మంత్రి యత్నంబు లింకిపోవునె యనావృష్టి జలధి ధవుడు పిన్నైన వైధవ్యంబు దప్పునే మనదె దీర్ఘాయువు మందు లేక