పుట:2015.373276.Rangaraya-Charitramu.pdf/63

62

రంగారాయ చరిత్రము

శా.⁠

రంగారాయనిగారు గారుడశిలారంగద్వితర్దీజ్వల చ్చృంగారాయతనంబునందుఁ బెలుచం జెంగల్వ రాచెల్వరా సింగంపుం దనువైన గద్దియపయిం జెల్వొప్పఁ గూర్చుండి స ప్తాంగప్రాంచదమేయరాజ్యభరణప్రజ్ఞామహోదగ్రుఁడై.

⁠ 65

మ.⁠

హితులు న్మంత్రులు గాయకు ల్కవులు సాహిత్యప్రధాను ల్పురో హితులు న్నాయకులు న్సఖు ల్సహజులు న్హేలాగతిం గొల్వ న ప్రతిమోల్లాసవికాసలాలనమనఃపంకేరుహుండై నిజా ప్తతతిం జూచి రసోచితంబుగ వినం బల్కె న్మృదూక్త్యార్భటిన్.

⁠ 66

సీ.⁠

సరకారుభారంబు వరియించి పెల్లుగా        వడి ఫరాసెకిమీడు వచ్చుటయును విజయరామక్షమావిభుఁ డాదిగా జమీ        దారులెల్లను వానిఁ జేరుటయును దత్ప్రధానత్వంబు దాల్చు హైదరుజంగు        రాచయేలికపక్షమై చనుటయు మనమీఁదివైరంబు పెనఁకువతో రాజుఁ        జొప్పించి కొండెము ల్సెప్పుటయును

⁠

తే.⁠

లక్షలకొలంది పైకంబు లంచ మిచ్చి రాజు మనపైకి జాతివారలఁ గురించి వచ్చి కలహించి యీరాజ్యవైభవంబు తా ననుభవింపఁ దలఁచుట దా నెఱింగి.

⁠ 67

క.⁠

అనిమిత్తవైర మీచొ ప్పునఁ దలపెట్టినవిరోధి భూపతి యాఖా

⁠