పుట:2015.373276.Rangaraya-Charitramu.pdf/25

24

రంగా రాయ చరిత్రము

చ.⁠

ఇపుఁ డొకయక్కజంబు జనియించిన దిప్పుడు దెప్పరంపుఁగా ర్యపుఁ బని ము న్నెఱుంగనితెఱం గగు నిట్టిమహాద్భుతంబు మీ నిపుణత దక్కఁగాఁ దెలియనేరము నేరము సైఁపు మెవ్వరో విపులపరాక్రమక్రమనవీనధనంజయు లిందుఁ గ్రందుగన్.

⁠ 80

క.⁠

చనుదెంచి వీటి నెల్లెడ ఘనతరదర్పం బఖర్వకలన వహింపం జనవరు లట్లన విడిసిరి జనవరు లగువారితెఱఁగు సాకల్యముగన్.

⁠ 81

క.⁠

వినుపింపు మనుడు నారద మునిచంద్రుఁడు లేతనగవు మొగమునఁ జిలుకం దనవాక్సుధారసాప్లుతి ననిమిషపతి డెంద మలర నల్లన ననియెన్.

⁠ 82

మ.⁠

ధరణీభాగమునం దపూర్వ మగు యుద్ధం బయ్యె భీభత్సరౌ ద్రరసాలంబనమై మహాద్భుతతమద్రాఘిష్ఠదోశ్శౌర్యభీ కరమై పర్వుచుఁ బద్మనాయకులకున్ క్షత్రాళికిం దద్రణో ర్వరమేను ల్విడనాడి శూరులు మహేంద్రా వచ్చి రివ్వీటికిన్.

⁠ 83

స్రగ్ధర.⁠

ఘోరాటోపంబు మీఱన్ గురుతరసమరక్షోణి నన్యోన్యవైర ప్రారంభోత్పాతజాతప్రబలజయరుషాపాటవం బేపు మీఱన్ బీరంబుల్ చూపికొంచున్ బిరుసనక ధరం బెల్లుగా వ్రాలు శూరుల్ వీరస్వర్గానుభూతిన్ వెలయుదు రనఁగా వీట నిక్కంబు దోపన్.

⁠ 84

వ.⁠

ఇత్తెఱంగున ననన్యసామాన్యదౌర్జన్యజన్యం బగు నొక్క జన్యంబు విస్మయప్రాధాన్యంబై పరంగిన కారణంబున నిత రే

⁠