పుట:2015.373276.Rangaraya-Charitramu.pdf/128

తృతీయాశ్వాసము.

127

చ.⁠

మొనల నమర్చె లాసుముఖమూర్ఖఫరాసుల శౌర్యరాసులన్.

⁠ 104

మ.⁠

నిబిడక్రోధరసంబు జొబ్బటిల ధన్నీలానుకుప్పీముఖుల్ శిబికావల్గితకాయులై నిజభుజాసివ్రాతరోచిచ్ఛటా శబరీభూతదిశాదశాంతు లగుచున్ శౌర్యంబు దీపింప కో టబురుంజుల్ గదియంగ డాసిరి గరిష్ఠం బైన వేగంబునన్.

⁠ 105

తే.⁠

ఇత్తెఱంగునఁ బురికొల్పి హెచ్చరింపఁ గొత్తడములకు లగ్గ కెక్కుటకు నేగి యాత్మవర్గంబుఁ దోడ్తొడ నరుగుదేర మార్కొనగడంగెను ఫరాసుమండలంబు.

⁠ 106

తే.⁠

ఇ త్తెఱంగున గదియంగ నేగుదెంచి తన్మహావప్రదుస్సాధ్యదార్ఢ్య మరసి మొఱకులయ్యును నొచ్చెడివెఱవుదొట్టి గరిమ దమలోన నొండొరుఁ గాంచికొనుచు.

⁠ 107

ఉ.⁠

ఎక్కడికయ్యపుం దమికి నేడ్తెర మార్కొను టబ్బు పౌరుషం బక్కట యెట్టులైన వెడయాసల గెల్తు మటంచు నిగ్గడీ కెక్కఁ దలంచి కొండపయి కెక్కు పిపీలిక లట్లు ప్రాకుచో నుక్కరవాలుగుండ్లజడి నొక్కట రూపరకుండు టెట్లకో.

⁠ 108

మ.⁠

అనుచుం గొందలమందు డెందములతో నాందోళనోద్వృత్తి గై కొనుచుం గొల్తల నప్పరాసులు ననేకుల్ ఖిన్నతం జెంది ఖా నుని నిందించి రితండెపో మనల నున్మూలంబుగా నొంప వ చ్చిన దుశ్శీలుఁడ కారణంబ యని తచ్చేష్టావిధుల్ దల్పుచున్.

⁠ 109