నెమ్మెయిఁ బొందిన నమ్మెయి లింగంబు
దనువునందునఁ డొట్రుకొనుచుఁ దనరుఁ
ఆ. దివిరి పలుకుల లింగంబు తీఁగ సాగఁ
దొడరి పలుకుల లింగంబు ముడివడంగ
నతిశయిల్లెడు పరమలింగానుభవులఁ
జేర్చి రక్షింపవే నన్నుఁ జెన్నమల్లు.26
సీ. తను వెల్ల నీ ప్రసాదమె గాని పొందదే
పునరాగతము మాన్పు మనఁగ నేల
మనుచు సద్భక్తుల మఱిగాని యొల్లదే
బ్రతికింపు మని దైన్యపడఁగ నేల
ప్రాణముల్‌ నినుగాని భజియింపకుండవే
యపవర్గ మిమ్మని యడుగ నేల
విషయముల్‌ నినుగాని వేధింపకుండవే
యువగుణంబులఁ బాపు మనఁగ నేల
ఆ. యెఱుక నిన్నెగాని యెఱుఁగదే సద్భక్తి
యొసఁగు మొసఁగు మనుచుఁ గొసర నేల
కోర్కి నిన్నెగాని కోరదే మఱియొండు
విన్నపంబు లేల చెన్నమల్లు.27
సీ. కనుమూయుఁ దెఱచు నీకన్నుల వెంబడి
వినుచుండు వినఁడు నీ వీనులందు
పుట:2015.370800.Shatakasanputamu.pdf/55
ఈ పుట అచ్చుదిద్దబడ్డది
