స్వాదించు మోదించు నీదు నాలుకయందు
గంధించు సొగయు నీఘ్రాణమందు
స్పర్శించుఁ బాయు నీసర్వాంగములయందుఁ
దలఁపించుఁ దలఁచు నీతలఁపులందు
గమనించు నిలుచు నీగమనాగమములందు
భాషించు మాను నీభాషలందు
ఆ. నీడఁ బోలు తాను నీడ యై బాహ్యాంత
ర ప్రవర్తనముల నీప్రసాద
సౌఖ్యమునను బొదలు ముఖ్యప్రసాదులఁ
జేర్పవయ్య నన్నుఁ జెన్నమల్లు.28
సీ. నీవె కర్త వటన్న నిక్కంబు భక్తుండు
తా నన్న నుభయకర్మానుగతుఁడు
నీకె యన్నను సదా నియతప్రసాదాంగి
తనకన్న నింద్రియతత్పరుండు
నిన్ను నెఱింగిన నేటైనశరణుండు
తన్ను నెఱింగినఁ దామసుండు
నీవు తా నన్నను నిజము లింగైక్యుండు
తాని నీ వనిన నద్వైతవాది
ఆ. కాన కాయకర్మగతిమతి శబ్దచై
తన్యభావములను దన్ను మఱచి
లింగగతిఁ జరించు లింగలింగైక్యులఁ
జేర్పవయ్య నన్నుఁ జెన్నమల్లు.29
పుట:2015.370800.Shatakasanputamu.pdf/56
ఈ పుట అచ్చుదిద్దబడ్డది