సుదర్శన శతకం
రంగేశవిఙ్ఞప్తికరామయస్య
చకార చక్రేశనుతిం నివృత్తయే |
సమాశ్రయేహం వరపూరణీయః
తం కూరనారాయణ నామకం మునిమ్ ||
జ్వాలావర్ణనం ప్రథమమ్
- మొదటి శ్లోకం
సౌదర్శన్యుజ్జిహానా దిశి విదిశి తిరస్కృత్య సావిత్ర మర్చి:
బాహ్యా బాహ్యంధకార క్షతజగదగదంకార భూమ్నా స్వధామ్నా |
ధోఃఖర్జూ దూరగర్జ ద్విబుధరిపువధూ కంఠ వైకల్య కల్యా
జ్వాలా జాజ్వల్య మానా వితరతు భవతాం వీప్సయా భీప్సితాని ||
- 2 వ శ్లొకం
ప్రత్యుద్యాతం మయూఖైర్నభసి దినకృత: ప్రాప్తసేవం ప్రభాభి:
భూమౌ సౌమేర వీభిర్దివివరివసితం దీప్తిభిర్దేవ ధామ్నామ్ |
భూయస్యై భూతయేవ: స్ఫురతు సకల దిగ్భ్రాంత సాంద్రస్ఫులింగం
చాక్రం జాగ్రత్ ప్రతాపమ్ త్రిభువన విజయ వ్యగ్రముగ్రం మహస్తత్ ||
- 3
పూర్ణే పూరైస్సుధానాం సుమహతిలసత స్సోమ బింబాలవాలే
బాహాశాఖావరుద్ధ క్షితిగగన దివశ్చక్రరాజ ద్రుమస్య |
జ్యోతిశ్చద్మాప్రవాళ: ప్రకటిత సుమనస్సంపదుత్తం సలక్ష్మీం
పుష్ణన్నాశాముఖేషు ప్రదిశతు భవతాం సప్రకర్షం ప్రహర్షం ||
- 4
ఆరాదారాత్ సహస్రాద్విసరతి విమతక్షేప దక్షాద్యదక్షాత్
నాభేర్భాస్వత్స నాభే ర్నిజవిభవ పరిచిన్న భూమేశ్చనేమే |
ఆమ్నాయై రేక కంఠై: స్తుతమహిమ మహో మాధవీ యస్యహేతే:
తద్ద్వోదిక్ష్వేధమానం చతస్రుషు చతుర: పుష్యతాత్ పూరుషార్థాన్ ||
5
శ్యామం ధామ ప్రసృత్యా క్వచన భగవతః క్వాపి బభ్రుప్రకృత్యా
శుభ్రం శేషస్య భాసా క్వచన మణిరుచా క్వాపి తస్వైవ రక్తమ్ |
నీలం శ్రీనేత్ర కాన్త్యా క్వచిదపి మిథునస్యాదిమస్యేవ చిత్రాం
వ్యాతన్వానం వితాన శ్రియముపచినుతాచ్ఛర్మ వశ్చక్రభానమ్ ||
6
శంసన్త్యున్మేష ముచ్చోషిత పరమహసో భాస్వతః కైటభారేః
ఇన్ధే సన్ధ్యేవ నక్తంచర విలయకరీ యా జగద్వన్దనీయా |
బన్ధూకచ్ఛాయ బన్ధుచ్ఛవిఘటిత ఘనచ్ఛేద మేదస్వినీ సా
రాథాంగీ రశ్మిభంగీ ప్రణుదతు భవతాం ప్రత్యహోత్థాన మేనః ||
7
సామ్యం ధూమ్యా ప్రవృద్ధ్యా ప్రకటయతి నభస్తారకా జాలకాని
స్పౌలింగీం యాన్తి కాన్తిం దిశతి యదుదయే మేరురంగారశఙ్కామ్ |
అగ్మిర్మగ్నార్చిరైక్యం భజతి దిననిశావల్లభౌ దుర్లభాభౌ
జ్వాలావర్తావివస్తః ప్రహరణపతిజం ధామ వస్తద్ధినోతు ||
8
దృష్టేధివ్యోమ చక్రే వికచ నవజపాసన్నికాశేసకాశం
స్వర్భానుర్భాను రేష స్పుటమితి కలయన్నాగతో వేగతోస్య
నిష్టప్తో యైర్నివృత్తో విధుమివ సహసా స్ర్పష్టుమద్యాపి నేష్టే
ఘర్మాంశుం తే ఘటన్తా మహిత విహతయే భానవో భాస్వరా వః ||
9
దేవం హేమాద్రితుఙ్గం పృథుభుజశిఖరం బిభ్రతీం మధ్యదేశే
నాభి ద్వీపాభిరామాం-అరవిపినవతీం శేష శీర్షాసనస్థామ్ |
నేమిం పర్యాయ భూమిం దినకరకిరణాదృష్టసీమః పరీత్య
ప్రీత్యై వశ్చక్రవాలచల ఇవ విలసన్నస్తు దివ్యాస్త్రరశ్మి: ||
10
ఏకం లోకస్య చక్షుర్ద్వివిధమపనుదత్కర్మ సమ్రత్రినేత్రం
దాత్రర్థానం చతుర్ణాం గమయదరిగణం పంచతాం షడ్గుణాఢ్యమ్ |
సప్తార్చి శ్శోషితాష్టాపదనవ కిరణశ్రేణి రజ్యద్దశాశం
పర్యాస్యాద్వశ్శతాఙ్గావయవపరిబృఢ జ్యోతిరీతీ సహస్రమ్ ||
11
ఉచ్చణ్డే యచ్ఛిఖణ్డే నిబిడయతి నభఃక్రోడ మర్కోటతి ద్యామ్
అభ్యస్యప్రౌఢ తాపగ్లపితవపురపో బిభ్రతీరభ్రపంక్తీః |
ధత్తే శుష్యత్సుధోత్సో విధురపుమధునః క్షౌద్ర కోశస్య సామ్యమ్
రక్షన్త్వస్త్ర ప్రభోస్తే రచితసుచరితవ్యుష్టయో ఘృష్టయో వః ||
12
పద్మౌఘో దీర్ఘికామ్భస్యవని ధరతటే గైరికామ్బు ప్రపాతః
సిన్దూరం కుఞ్జరాణాం దిశి దిశి గగనే సాన్ధ్యమేఘ ప్రబన్ధః |
పారావారే ప్రవాళో వనభువి చ తథా ప్రేక్ష్యమాణః ప్రముగ్ధైః |
సాధిష్టం వః ప్రమోదం జనయతు దనుజద్వేషిణ స్త్వైషరాశిః ||
13
భానో! భానో త్వదీయా స్ఫురతి కుమిదినీమిత్ర తే కుత్ర తేజః
తారా! స్తారాదధీరో స్యనల! న భవతః స్వ్వైరమైరమ్మదార్చిః |
శంసన్తీత్థం నభఃస్థా యదుదయసమయే చక్రరాజాంశవస్తే
యుష్మాకం ప్రౌడతాపప్రభవభవగదాపక్రమాయ క్రమన్తామ్ ||
14
జగ్థ్వా కర్ణేషు దూర్వాంకుర మరి సుదృశా మక్షిషు స్వర్వధూనాం
పీత్వా చాంభశ్చరన్త్యః సవృషమనుగతా వల్లవేనాదిమేన |
గావో వశ్చక్రభర్తుః పరమమృతరసం ప్రశ్రితానాం దుహానాః
బుద్ధిం స్వలోకలుప్త త్రిభువనతమసః సానుబన్ధాం దదన్తామ్ ||
15
సేనాం సేనాం మఘోనో మహాతి రణముఖే లం భయం లమ్భయన్తీః
ఉత్సేకోష్ణాలుదోష్ణాం ప్రథమదివిషదామావలీర్యావలీఢే |
విశ్వం విశ్వంభరాద్యం రథపదధిపతేర్లీలయా పాలయన్తీ
వృద్ధిః సా దీధితీనాం వృజినమనుజనుర్మార్జయత్వార్జితం వః ||
16
తప్తా స్వేనోష్మణేవ ప్రతిభటవపుషామస్రధారా ధయన్తీ
ప్రాప్తేవ క్షీబభావం ప్రతిదిశమసకృత్ తన్వతీ ఘూర్ణితాని |
వంశాస్థిస్ఫోట శబ్దం ప్రకటయతి పటూన్ యా వహన్త్యట్టహాసన్
భా సా వః స్యదనాంగ ప్రభుసముదయినీ స్పన్దతాం చిన్తితాయ ||
17
దేవైరాసేవ్యమానో ధనుజభట భుజాదణ్డ దర్పోష్మతప్తైః
ఆశారోధో తిలంఘీ లుటదుడుపటలీ లక్ష్యడిండీరపిణ్డః |
రింగజ్వాలా తరంగ త్రుటితరిపుతరువ్రాత పాత్రోగ్రమార్గః
చాక్రో వః శోచిరోఘః శమయతు దురితాపహ్నవం దావ వహ్నిమ్ ||
18
భ్రామ్యన్తీ సంశ్రితానాం భ్రమశమనకరీ చ్ఛన్నసూర్య ప్రకాశా
సూర్యాలోకానురూపా రిపుహృదయ తమస్కారిణీ నిస్తమస్కా|
ధారా సంపాతినీ చ ప్రకటితదహనా దీప్తిరస్త్రేశితుర్వః
చిత్రా భద్రాయ విద్రావిత విమతజనా జాయతామాయతాయ ||
19
నిన్యే వన్యేవ కాశీ దవశిఖి జటిల జ్యోతిషా యేన దాహం
కృత్యా వృత్త్యావిలిల్యే శలభసులభయా యత్ర చిత్ర ప్రభావే |
రుద్రోప్యద్రేర్దుహిత్రా సహ గహనగుహాం యద్భయాదభ్యయాసీత్
దిశ్యాద్విశ్వార్చితో వః స శుభమనిభృతం శౌరిహేతిప్రతాపః
20
ఉద్యన్ బింబాదుదారాన్నయనహిమజలం మార్జయన్ నిర్జరీణాం
అజ్ఞానధ్వాన్తమూర్ఛాకరజని రజనీభఞ్జన వ్యఞ్జితాధ్వా |
న్యక్కుర్వాణా గ్రహాణాం స్ఫురణ మపహరనర్చిషః పావకీయాః
చక్రేశార్కప్రకాశో దిశతు దశ దిశో వ్యశ్నువానం యశో వః ||
21
వర్గస్య స్వర్గధామ్నామపి దనుజనుషాం విగ్రహం నిగ్రహీతుం
దాతుం సద్యో బలానాం శ్రియమతశయనీం పత్రభంగానువృత్యా |
యోక్తుం దేదీప్యతే యా యుగపదపి పురో భూతిమయ్యా ప్రకృత్యా
సా వో నుద్యాదవిద్యాం ద్యుతిరమృతరసస్యన్దినీ స్యాన్దనాంగీ ||
22
దాహం దాహం సపత్నాన్ సమరభువి లసద్భస్మనా వర్త్మనాయాన్
కవ్యాదప్రేత భూతా ద్యభిలషిత పుషా ప్రీత కాపాలికేన
కఙ్కాలైః కాలధౌతం గిరిమివ కురుతే యః స్వకీర్తేర్విహర్తుం
ఘృష్టిః సాందృష్టికం వః సకలముపనయత్వాయుధాగ్రేసరస్య ||
23
దగ్ధానాం దానవానాం సభసితనిచయైః అస్తిభిః సర్వశుభ్రాం
పృధ్వీ కృత్యా పి భూయో నవరుధిర ఝరీ కౌతుకం కౌణపేభ్యః |
కర్వాణం బాష్పపూరైః కుచతట ఘుసృణక్షాలనైస్తద్యుధూనాం
పాపం పాపచ్యమానం శమయతు భవతామస్త్రరాజస్య తేజః ||
24
మగాన్మోషం లలాటానల ఇతి మదనద్వేషిణా ధ్యాయతేవ
స్రష్ట్రా ప్రోన్నిద్ర వాసాంబుజ దలపటల ప్లోషముత్పశ్యతేవ |
వజ్రాగ్మిర్మాస్మ నాశం వ్రజదితి చకితినేవ శక్రేణ బద్ధైః
స్తోత్రైరస్త్రేశ్వరస్య ద్యతు దురిత శతం ద్యోతమానా ద్యుతిర్వః ||
ఇతి జ్వాలావర్ణనమ్ ప్రథమమ్
అథ నేమివర్ణనమ్ ద్వితీయమ్
- 25 వ శ్లోకం
శస్త్రాస్త్రం శాత్రవాణాం శలభకులమివ జ్వాలయా లేలిహానా,
ఘోషై: స్వై: క్షోభయంతీ విఘటిత భగవద్ యోగనిద్రాన్ సముద్రాన్ |
వ్యూఢోర: ప్రౌఢచార త్త్రుటితపటురటత్కీసక్షుణ్ణదైత్యా
నేమిస్సౌదర్షనీవ: శ్రియమతిశయినీం దాశతాదాశతాబ్దమ్ ||
26
ధారాచక్రస్య తారాగణకణ వితతిద్యోతితద్యుప్రచారా
పారావారాంబు పూర క్వతన పిశునితోత్తాల పాతాలయాత్రా |
గోత్రాది స్ఫోట శబ్ద ప్రకటిత వసుధా మండలీ చన్డయానా
పన్థానం వః ప్రదిశ్యత్ ప్రశమన కుశలా పాప్మనామాత్మనీనమ్ ||
27
యాత్రా యా త్రాతలోకా ప్రకటిత వరుణ త్రాసముద్రే సముద్రే
సత్త్వా సత్త్వాసహోష్మా కృతసగరుదగ స్పన్దదానా దదానా |
హానిం హా నిన్దితానాం జగతి పరిషదాం దానవీనాం నవీనామ్
చక్రే చక్రేచక్రేశనేమి శ్శముపహరతు సా స్వప్రభావప్రభా వః ||
28
యత్రామిత్రాన్ దిధక్షౌ ప్రవిశతి బలినో ధామ నిస్సీమధామ్ని
గ్రస్తాపస్తాపశీర్ణైః ప్రకటితసికతో మౌక్తికై శ్శౌక్తికేయైః |
రాశీర్వారామపారాం ప్రకటయతి పునర్వైరిదారాశ్రుపూరైః
వృద్ధిం నిర్యాతి నిర్యాపయతు స దురితాన్యస్త్రరాజ ప్రధిర్వః ||
29
కక్ష్యైతౌల్యేన కద్రూతనయ ఫణమణీన్ కల్యదీపస్య యుంజన్
పాతాలాన్తః ప్రపాతి నిఖిలమపి తమః స్వేన ధామ్నా నిగీర్య |
దైతేయప్రేయసీనాం వమతి హృది హతప్రేయసాం భూయసా వః
చక్రాగ్రీయాగ్రదేశో దహతు విలసితం బహ్వసావంహసాం వః ||
30
కృష్ణాంభోదస్య భూషా కృతనయన నయ వ్యాహతిర్భార్గవస్య
ప్రాప్తామావేదయన్తీ ప్రతిభటసుదృశాముద్భటాం బాష్పవృష్టిమ్ |
నిష్తప్తాష్టాపద శ్రీస్సమమమరచమూ గర్జితైరుజ్జిహానా
కీర్తిం వః కేతికీభిః ప్రథయతు సదృశీం చంచలా చక్రధారా ||
31
వప్రాణాం భేదనీం యః పరిణతి మఖిల శ్లాఘనీయాం దధానః
క్షుణ్ణాం నక్షత్రమాలాం దిశిదిశి వికిరన్ విద్యుతా తుల్యకక్య్యః |
నిర్యాణేనోత్కటేన ప్రకటయతి నవం దానవారిప్రకర్షం
చక్రాధీశస్య భద్రో వశయతు భవతాం స ప్రధిశ్చిత్తవృత్తిమ్ ||
32
నాకౌకశ్శత్రుజత్రు త్రుటన విఘటితస్కన్ధనీరన్ధ్రనిర్యత్
నవ్యక్రవ్యాస హవ్యగ్రసన రసలసజ్జ్వాల జిహ్వాలవహ్నిమ్
యం దృష్ట్వా సాంయుగీనం పునరపి విదధత్యాశిషో వీర్య వృద్ధ్యై
గీర్వాణా నిర్వృణానా వితరతు స జయం విష్ణు హేతిప్రధిర్వః ||
33
ధన్యాధ్వన్యన్య ధారాసలిలమివ ధనం దుర్గత్య స్యేవ దృష్టిః
జాత్యన్ధస్యేవ పంగో: పదవిహృతిరివ ప్రీణనీ ప్రేమభాజామ్ |
ప్రత్యుర్మాయాక్రియాయాం ప్రకటపరిణతిర్విశ్వరక్షా క్షమాయాం
మాయామాయామినీం వః త్రుటయతు మహాతీ నేమి రస్త్రేశ్వరస్య ||
34
త్రాణాం యా విష్టపానాం వితరతి చ యయా కల్ప్యతే కామపూర్తిః
న స్థానం యత్పురస్తాత్ ప్రభవతి కలయా ప్యోషధీనా మధీశః|
ఉన్మేషో యాతి యస్యా న సమయనియతిం సా శ్రియం వః ప్రదేయాత్
న్యక్కృత్య ద్యోతమానా త్రిపురహరదృశం నేమిరస్త్రేశ్వరస్య ||
35
నక్షత్రక్షోదభూతిప్రకరవికిరణ శ్వేతితాశావకాశా
జీర్ణైః పర్ణైరివ ద్యాం జలధరపటలైః చూర్ణితైరూర్ణువానా |
ఆజావాజానవాజా నతరిపుజనతారణ్య మావర్తమానా
నేమిర్వాత్యేవ చాక్రీ ప్రణుదతు భవతాం సంహతం పాపతూలమ్ ||
36
క్షిప్త్వా నేపథ్త శాటీమివ జలదఘటాం జిష్ణుకోదణ్డచిత్రా
తారాపుఞ్జం ప్రసూనాంజలిమివ విపులే వ్యోమరంగే వికీర్య |
నిర్వేదగ్లాని చిన్తా ప్రభృతి పరవశానన్తరా దానవేన్ద్రాన్
నృత్యన్నానాలయాఢ్యంనట ఇవ తనుతాం శర్మ చక్రప్రధిర్వః ||
37
దౌర్గత్య ప్రౌడతాప ప్రతిభటవిభవా విత్తధారాస్సృజన్తీ
గర్జన్తీ చీత్క్రియాభిః జ్వలదనలశిఖోద్దామ సౌదామనీకా |
అవ్యాత్క్రవ్యాద్వధూటీ నయన జలభరైః దిక్షు నవ్యాననవ్యాన్
పుష్యన్తీ సిన్ధిపూరాన్ రథచరణపతేర్నేమికాదమ్బినీ వః ||
38
సన్దోహం దానవానా మజసమజమివాలభ్య జాజ్వల్యమానే
వహ్నా వహ్నాయ జుహ్వత్త్రిదశపరిషదే స్వస్వభాగప్రదాయీ |
స్తోత్త్రైర్బ్రహ్మాదిగీతైః ముఖరపరిసరం శ్లాఘ్యశస్త్ర ప్రయోగం
ప్రాప్తస్సంగ్రామసత్రం ప్రధిరసురరిపోః ప్రార్థితం ప్రస్తుతాం వః ||
ఇతి నేమివర్ణనమ్
అథ అరవర్ణనమ్ తృతీయమ్
39
ఉత్పాతాలాత కల్పాన్యసుర పరిషదామాహవ ప్రార్థినీనామ్
అధ్వాన ధ్వావభోదక్షపణ చణ తమ: క్షేప దీదీపోపమాని |
త్రైలోక్యాగారభారోద్వహన సహమణిస్తమ్భ సంపత్సఖాని
త్రాయన్తామన్తిమాయాం విపది సపది వో రాణి సౌదర్శనాని ||
40.
జ్వాలాజ్వాలప్రవాల స్తబకిత శిరసో నాభిం ఆవాలంత్య:
సిక్తా రక్తాంబుపూరై:శకలిత వపుషాం శాస్త్రవానీకినీనాం |
చక్రాక్రీడ ప్రరూఢా భుజగశయ భుజొపఘ్ననిఘ్న ప్రచారా:
పుష్యంత్య: కీర్తి పుష్పాణ్యరకనకలతా: ప్రీతయె వ: ప్రథంతాం ||
- 41 వ శ్లోకమ్
జ్వాలాజాలాబ్ధిముద్రం క్షితి వలయమివాబిభ్రతీ నెమిచక్రం
నాగెంద్రస్యెవ నాభే: ఫణ పరిషదివ ప్రౌఢ రత్న ప్రకాశా |
దత్తాం వో దివ్య హెతే: మతిమరవితతి: ఖ్యాత సాహస్ర సంఖ్యా
సంఖ్యావత్సంఘచిత్త శ్రవణ హరగుణస్యంది సందర్భ గర్భాం ||
42
బ్రహ్మెశొపక్రమాణాం బహువిధ విమతక్షొద సమ్మొదితానాం
సెవాయై దైవతానాం దనుజ కులరిపో: పిణ్డికాఅద్యంగ భాజాం |
తత్తద్దామాంత సీమా విభజన విధయె మాన దణ్డాయమానా
భూమానం భూయసా వో దిశతు దశశతీ భాస్వరాణామరాణాం ||
43
జ్వాలాకల్లోలమాలానిబిడ పరిసరాం నేమివేలాం దధానే
పూర్వేణాక్రాంతమధ్యే భువనమయ హవిర్భోజినా పూరుషేణ |
ప్రస్ఫూర్జత్ప్రాజ్యరత్నే రథపద జలధావేధమానై: స్ఫులింగై:
భద్రం వో విద్రుమాణాం శ్రియమరవితతి: విస్త్రుణానా విధత్తాం ||
44
నాసీరస్వైరభగ్న ప్రతిభటరుధిరాసారధారా వసేకాన్
ఏకాంతస్మేర పద్మప్రకర సహచరచ్చాయయా ప్రాప్యనాభ్యా |
ముక్తానీవాంకురాణి స్ఫురదనలశిఖా దర్శిత ప్రాక్ప్రవాలాని
అవ్యాఘాతేన భవ్యం ప్రదదతు భవతాం దివ్యహేతేరరాణి ||
45
దావోల్కామణ్డలీవ ద్రుమగణ గహనే బాడవస్యేవ వహ్నే:
జ్వాలావ్రుద్ధి: మహాబ్ధౌ ప్రవయసి తమసి ప్రాతరర్క ప్రభవే |
చక్రే యా దానవానాం హయకరటి ఘటా సంకటే జాఘటీతి
ప్రాజ్యం సా వ: ప్రదేయాతు పదమర పరిషతు పద్మనాభాయుధస్య ||
46
తాపాత్ దైత్యప్రతాపాతప సముపచితాతు త్రాయమాణం త్రిలోకీం
లోలైర్జ్వాలాకలాపై: ప్రకటయదభిత: చీనపట్టాంచలాని |
ఛత్రాకారం శలాకాఇవ కనకక్రుతా శ్శౌరిదోర్దణ్డ లగ్నం
భూయాసుర్భూషయంత్యో రథచరణ మరస్ఫూర్తయ: కీర్తయే వ:||
47
నాభిశాలానిఖాతాం నహన సముచితాం వైరిలక్ష్మీవశానాం
సంయద్వారీహ్రుతానాం సమనువిదధతీ కాంచనాలానపంక్తిం |
రాజ్యాచ ప్రాజ్యదైత్య వ్రజ విజయ మహొత్తంభితానాం భుజానాం
తుల్యా చక్రారమాలా తులయతు భవతాం తూలవత్ శత్రులోకం ||
48
ఆనేమేశ్చక్రవాలాత్త్విష ఇవ వితతా: పిణ్డీకాచణ్డదీప్తే:
దీప్తా దీపా ఇవారాత్ గహన రణతమీగాహిన: పూరుషస్య|
శాణే రోషాయితానాం రథచరణమయే శత్రుశౌణ్డీర్యహేమ్నాం
రేఖా: ప్రత్యగ్రలగ్నాం ఇవ భువనమరశ్రేణయ: ప్రీణయంతు||
49
దీప్తైరర్చి: ప్రరోహైర్దలవతి విధ్రుతే బాహునాలేన విష్ణో:
ఉద్యత్ప్రద్యోతనాభం ప్రథయతిపురుషం కర్ణికా వర్ణికాయాం |
చూడాలం వేదమౌలిం కలయతి కమలే చక్రనామ్నోపలక్ష్యే
లక్ష్మీం స్ఫారామరాణి ప్రతివిదధతు వ: కేసరశ్రీకరాణీ ||
50
ధాతుస్యందైరమందై: కలుషిత వపుషో నిర్ఝరాంభ: ప్రతాపాన్
అర్చిష్మత్యా స్వమూర్త్యా రథచరణగిరే: నేమినాభీ తటస్య|
వ్యాకుర్వాణార పంక్తి: వితరతు విభుతా విస్త్రుతిం విత్తకోటీ
కోటీర: చ్చత్రపీఠీ కటక కరిఘటాచామరస్త్రగ్విణీం వ:||
- 51
ఐక్వేన ద్వాదశానామ శిశిర మహసాం దర్శయన్తీమ్ నివృత్తిం,
దత్త: స్వర్లోకలక్ష్మ్యాస్తిలక ఇవముఖే పద్మరాగ ద్రవేణ,
దేవాద్దైతేయ దర్పక్షతికరణ రణప్రీణి తాంభోజనాభి:,
నాభిర్నాభిత్వముర్వ్యాస్సురపతి విభవస్పర్శి సౌదర్శనీవ:
52
శస్త్రశ్యామే శతాంగ క్షితిభ్రుతి తరలై: ఉత్తరంగే తురంగై:
త్వంగన్మాతంగనక్రే కుపిత భటముఖచ్చాయముగ్ధ ప్రవాలే|
అస్తోకం ప్రస్నువానా ప్రతిభట జలధౌ పాటవం బాడవస్య
శ్రేయో వ: సంవిధత్తాం శ్రిత దురితహరా శ్రీధరాస్త్రస్య నాభి:||
53
జ్వాలా చూడాల కాలానల చలన సమాడంబరా సాంపరాయం
యాసావాసాద్య మాద్యత్ సుర సుభట భుజాస్ఫోట కోలాహలాఢ్యం|
దైత్యారణ్యం దహంతీ విరచయతి యశోభూతి శుభ్రాం ధరిత్రీం
సా వశ్చక్రస్య నక్ర, స్యదమ్రుదిత గజత్రాయిణీ నాభిరవ్యాతు||54
విందంతీ సాంధ్యమర్చి: విదలిత వపుష: ప్రత్యనీకస్య రక్తై:
స్ఫాయన్నక్షత్రరాశిర్దిశి దిశి కణశ: కీకశై: కీర్యమాణై:|
నాకౌక: పక్ష్మలాక్షీ నవమద హసితచ్చాయయా చంద్రపాదాన్
రాథాంగీ విస్త్రుణానా రచయతు కుశలం పిణ్డికా యామినీ వ: ||
55
నిస్సీమం నిస్స్రుతాయా భుజధరణి ధరాఘాటత: కైటభారే:
ఆశాకూలంకషర్ద్ధేరహితబల మహాంభోధి మాసాదయంత్యా:|
చక్రజ్వాలాపగాయాశ్చల దర లహరీ మాలికాదంతురాయా:
బిభ్రత్యావర్తభావం భ్రమయతు భువనే పిణ్డికా వ: ప్రశస్తిం||
56
పాణౌ క్రుత్వాహవాగ్రే ప్రతిభట విజయోపార్జితాం వీరలక్ష్మీం
ఆనీతాయాస్తతోస్యా: స్వసవిధమసురద్ద్వేషిణా పూరుషేణ|
ప్రాసాదం వాసహేతో: విరచితమరుణై: రశ్మిభిస్సూచయంతీ
నాభిర్వో నిర్మిమీతాం రథచరణపతే: నిర్వ్రుతిం నిర్విఘాతాం||
57
డిణ్డీరాపాణ్డు గణ్డైరరియువతి ముఖై: పిణ్డికా క్రుష్ణహేతే:
ఉచ్చణ్డాశ్రు ప్రవర్షైరుపరతతిలకై రుక్త శౌణ్డీర్యచర్యా|
ద్విత్రగ్రామాధిపత్య ద్రుహిణ మదమషీదూషితాక్ష క్షమాభ్రుత్
సేవాహేవాకపాకం శమయతు భవతాం కర్మ శర్మ ప్రతీపం||
58
పర్యాప్తామున్నతిం యా ప్రథయతి కమలం యా తిరోభావ్య భాతి
స్రష్టుస్స్రుష్టేర్దవీయ: కువలయ మహితం యా బిభర్తి స్వరూపం|
భూమ్నా స్వేనాంతరిక్షం కబలయతి చ యా సా విచిత్రా విధత్తాం
దైతేయారాతి నాభి: ద్రవిణపతి పద ద్వేషిణీం సంపదం వ:||
59
వాణీ వాంగై: చతుర్భి: సదసి సుమనసాం ద్యోతమాన స్వరూపా
బాహ్వంత:స్థా మురారే: అభిమతమఖిలం శ్రీరివ స్పర్శయంతీ|
దుర్గేవోగ్రాక్రుతిర్యా త్రిభువన జనన స్థేమ సమ్హారధుర్యా
మర్యాదాలంఘనం వ: క్షపయతు మహతీ హేతివర్యస్య నాభి:||
60
స్రగ్భిస్సంతానజాభి: మధుర మధురసస్యంద సందోహినీభి:
పాటీరై: ప్రౌఢ చంద్రాతపచయ సుషమాలోపనైర్లేపనైశ్చ|
ధూపై: కాలాగరూణామపి సురసుద్రుశో విస్రమర్చాసు యస్యా:
గంధం రుంధంతి సా వ: చిరమసురభిదో నాభిరవ్యాత్ అభవ్యాత్||
61
అమ్హస్సమ్హ్రుత్య దగ్ధ్వా ప్రతిజని జనితం ప్రౌఢసంసారవన్యా
దూరా ధ్వన్యానధన్యాన్మహతి వినతిభిర్ధామని స్థాపయంతీ|
విశ్రాంతిం శాశ్వతీం యా నయతి రమయతాం చక్రరాజస్య నాభి:
సమ్యన్మోముహ్యమాన త్రిదశ రిపుదశాసాక్షిణీ సా అక్షిణీ వ:||
62
శ్రుత్వాయన్నామ శబ్దం శ్రుతిపథ కటుకం దేవనక్రీడనేషు
స్వర్వైరిస్వైరవత్యో భయ వివశధియ: కాతరన్యస్తశారా:|
మందాక్షం యాంత్యమందం ప్రతియువతి ముఖైర్దర్శితోత్ప్రాసదర్పై:
అక్షం సౌదర్శనం తత్ క్షపయతు భవతాం ఏధమానాం ధనాయాం||
63
వ్యస్తస్కంధం విశీర్ణ ప్రసవ పరికరం ప్రత్తపత్రోపమర్దం
సమ్యద్వర్షాసు తర్షాతుర ఖగ పరిషత్ పీతరక్తోదకాసు|
అక్షం రక్షస్తరూణామశనివదశనై రాపతన్మూర్ధ్ని మూర్ధ్ని
స్తాదస్త్రాధీశితుర్వ: స్తబకిత యశసే ద్వేషిణాం ప్లోషణాయ||
64
దీక్షాం సంగ్రామ సత్రే మహతి క్రుతవతో దీప్తిభిస్సమ్హతాభి:
జిహ్వాలే సప్తజిహ్వే దనుజకుల హవిర్జుహ్వతో నేమి జుహ్వా|
వైకుణ్ఠాస్త్రస్య కుణ్డం మహదివ విలసత్ పిణ్డికా వేదిమధ్యే
దిశ్యాత్ దివ్యర్ద్ధిదేశ్యం పదమిహ భవతాం అక్షతొన్మేషమక్షం||
65
తుంగాద్దోరద్రిశ్రుంగాద్దనుజ విజయిన: స్పష్టదానోద్యమానాం
శత్రుస్తంబేరమాణాం శిరసి నిపతత: స్రస్త ముక్తాస్థిపుంజే|
రక్తైరభ్యక్తమూర్తేర్విదలన గలితైర్వ్యక్త వీరాయితర్ద్ధే:
హర్యక్షస్యారిభంగం జనయతు జగతామీడితం క్రీడితం వ:||
66
ఉన్మీలత్పద్మరాగం కటకమివ ధ్రుతం బాహునా యన్మురారే:
దీప్తాన్ రశ్మీందధానం నయనమివ యదుత్తారకం విష్టపస్య|
చక్రేశార్కస్య యద్వా పరిధిరభిదధద్దైత్యహైత్యామివ ద్రాక్
అక్షం పక్షే పతిత్వా పరిఘటయతు వత్సద్ ద్రఢిష్ఠాం ప్రతిష్ఠాం||
67
క్రీడత్ ప్రాక్క్రోడ దమ్ష్ట్రాహతి దలిత హిరణ్యాక్షవక్ష: కవాట
ప్రాదుర్భూత ప్రభూతక్షతజ సముదితారణ్యముద్రం సముద్రం|
ఉన్మీలత్ కింశుకాభై: ఉపహసదమితై: అంశుభి: సంశయఘ్నీం
అక్షం చక్రస్య దత్తామఘశతశమనం దాశుషీం శేముషీం వ:||
68
పద్మోల్లాసప్రదం యజ్జనయతి జగతీమేధమానప్రబోధాం
యస్యచ్చాయాసమానా లసతి పరిసరే రోహిణీ తారకాగ్రయా|
నానా హేత్యున్నతత్వం ప్రకటయతి చ యత్ప్రాప్త క్రుష్ణ ప్రయాణం
త్రేధా భిన్నస్య ధామ్న: సముదయ ఇవ తత్పాతు వశ్చాక్రమక్షం||
69
శోచిర్భి: పద్మరాగద్రవసమ సుషమై: శోభమానావకాశం
ప్రత్యగ్రాశోకరాగ ప్రతిభట వపుషా భూషితం పూరుషేణ|
అంత: స్వచ్చందమగ్నోత్థిత భ్రుగుతనయం క్షత్రియాణాం క్షతానాం
ఆరబ్ధం శోణితౌఘైస్సర ఇవ భవతో దివ్య హేత్యక్షమవ్యాత్||
70
మత్తానామింద్రియాణాం క్రుత విషయమహాకానన క్రీడనానాం
స్రుష్టం చక్రేశ్వరేణ గ్రహణ ధిషణయా వారివద్వారణానాం|
గంభీరం యంత్రగర్తం కమపి క్రుతధియో మన్వతే యత్ప్రదేయాత్
అస్థూలాం సంవిదం వ: త్రిజగదభిమత స్థూలలక్షం తదక్షం||
71
ప్రాణాదీన్ సన్నియమ్య ప్రణిహిత మనసాం యోగినామంతరంగే
తుంగం సంకోచ్య రూపం విరచితదహరాకాశక్రుచ్చ్రాసికేన|
ప్రాప్తం యత్పూరుషేణ స్వమహిమ సద్రుశం ధామ కామప్రదం వ:
భూయాత్ తత్ భూర్భువస్స్వ: త్రయ వరివసితం పుష్కరాక్షాయుధాక్షం||
72
విద్ధాన్ వీధ్రేణ ధామ్నా చరణ నఖ భువా బద్ధవాసస్య మధ్యే
చక్రాధ్యక్షస్య బిభ్రత్ పరిహసిత జపాపుష్ప కోశాన్ ప్రకాశాన్|
శుభ్రై రభ్రైరదభ్రైశ్శరది తత ఇతో వ్యోమ విభ్రాజమానం
ప్రాతస్త్యాదిత్య రోచిస్తతమివ భవత: పాతు రాథాంగమక్షం||
73
శ్రీవాణీవాంగ్మ్రుడాన్యో విదధతి భజనం శక్తయో యస్య దిక్షు
ప్రాహ వ్యూహం యదాద్యం ప్రథమమపి గుణం భారతీ పాంచరాత్రీ|
ఘొరాం శాంతాం చ మూర్తిం ప్రథయతి పురుష: ప్రాక్తన: ప్రార్థనాభి:
భక్తానాం యస్య మధ్యే దిశతు తతనఘామక్షమధ్యక్షతాం వ:||
74
రక్ష: పక్షేణ రక్షత్ క్షతమమర గణం లక్ష్యవైలక్ష్యమాజౌ
లక్ష్మీమక్షీయమాణాం బలమథన భుజే వజ్రశిక్షానపేక్షే|
నిక్షిప్య క్షిప్రమధ్యక్షయతి జగతి యద్దక్షతాం దివ్యహేతే:
అక్షామామక్షమాం తత్ క్షపయతు భవతామక్షజిల్లక్షమక్షం||
75
జ్యోతిశ్చూడాల మౌలి స్త్రినయన వదన షొడశోత్తుంగ బాహు
ప్రత్యాలీఢేన తిష్టన్ ప్రణవ శశధరాధార షట్కోణ వర్తీ
నిస్సీమేన స్వధామ్నా నిఖిలమపి జగత్ క్షేమవన్నిర్మిమాణ:
భూయాత్ సౌదర్శనో వ: ప్రతిభట పరుష: పూరుష: పౌరుషాయ
76
వాణీ పౌరాణికీయం ప్రదయతి మహితం ప్రేక్షణం కైటభారే:
శక్తిర్యస్యేషు దంష్త్రానఖ పరశు ముఖ వ్యాపినీ త్వద్విభూత్యామ్
కర్తుం యత్తత్వ బోధోన నిశిత మతిభిర్నారదాద్యైశ్ఛ శక్య:
దైవీం వో మానుషీంచ క్షిపతు సవిపదం దుస్త్రరామస్త్ర రాజ:
77
రూఢస్తారాలవాలే రుచిరదళచయ: శ్యామలైశ్శస్త్రజాలై:
జ్వాలాభి: సప్రవాల: ప్రకటితకుసుమో బద్ధసంఘై: స్ఫులింగై:|
ప్రాప్తానాం పాదమూలం ప్రక్రుతిమధురయాచ్చాయయా తాపహ్రుద్వ:
దత్తాముద్దో: ప్రకాణ్డ: ఫలమభిలషితం విష్ణు సంకల్ప వ్రుక్ష:||
78
ధామ్నామైరమ్మదానాం నిచయమివచిరస్థాయినాం ద్వాదశానాం
మార్తాణ్డానాం సమూఢం మహైవ బహులం రత్నభాసామివర్ద్ధిం|
అర్చిస్సంఘాతమేకీక్రుతమివ శిఖినాం బాడవాగ్రేసరాణాం
శంకంతే యస్య రూపం స భవతుభవతాం తేజసే చక్రరాజ:||
79
ఉగ్రం పశ్యాక్షముద్యద్భ్రుకుటి సమకుటం కుణ్డలి స్పష్టదమ్ష్ట్రం
చణ్డాస్త్రైర్బాహుదణ్డైర్లసదనల సమక్షౌమ లక్ష్యోరుకాణ్డం|
ప్రత్యాలీఢస్థపాదం ప్రథయతుభవతాం పాలన వ్యగ్రమగ్రే
చక్రేశో కాల కాలేరిత భటవికటాటోప లోపాయ రూపం||
80
చక్రం కుంతం క్రుపాణం పరశుహుతవహావంకుశం దణ్డశక్తీ
శంఖం కోదణ్డపాశౌ హలముసలగదా వజ్ర శూలాంశ్చ హేతిన్|
దోర్భిస్సవ్యాపసవ్యై: దధదతులబల స్తంభితారాతిదర్పై:
వ్యూహస్తేజోభిమానీ నరకవిజయినో జ్రుంభతాం సంపదే వ:||
81
పీతం కేశే రిపోప్యస్రుజి రథపదే సంశ్రితేప్యుత్కటాక్షం
చంద్రాధ: కారి యంత్రే వపుషి చ దలనే మణ్డలే చ స్వరాంకం|
హస్తే వక్త్రే చ హేతిస్తబకితమసమం లోచనే మోచనే చ
స్తాదస్తోకాయ ధామ్నే సురవరపరిషత్సేవితం దైవతం వ:||
82
చిత్రాకారై: స్వచారైర్మితసకల జగజ్జాకరూక ప్రతాప:
మంత్రం తంత్రానురూపం మనసి కలయతో మానయన్నాత్మ గుహ్యాన్|
పంచాంగస్ఫూర్తి నిర్వర్తితరిపువిజయో ధామ షణ్ణాం గుణానాం
లక్ష్మీం రాజాసనస్థో వితరతు భవతాం పూరుషశ్చక్రవర్తీ||
83
అక్షావ్రుత్తాభ్రమాలాన్యరవివరలుఠ: చంద్ర చణ్డద్యుతీని
జ్వాలా జాలావలీఢ స్ఫుటదుడుపటలీ పాణ్డుదింగ్మణ్డలాని|
చక్రాంతాక్రాంత చక్రాచలచలితమహీ చక్రవాలార్తశేషాణి
అస్త్రగ్రామాగ్రిమస్య ప్రదదతుభవతాం ప్రార్థితం ప్రస్థితాని||
84
శూలం త్యక్తాత్మశీలం స్రుణిరణుకఘ్రుణి: పట్టిస: స్పష్టసాద:
శక్తిశ్శాలీనశక్తి: కులిశమకుశలం కుణ్ఠధార: కుఠార:|
దణ్డశ్చణ్డత్వశూన్యో భవతి తను ధనుర్యత్పురస్తాత్స వ: స్తాత్
గ్రస్తాశెషాస్త్రగర్వో రథచరణపతి: కర్మణే శార్మణాయ||
85
క్షుణ్ణాజానేయబ్రుందం క్షుభితరథగణం సన్న సాన్నాహ్య యూథం
క్ష్వేలా సంరంభహేలాకలకల విగలత్ పూర్వగీర్వాణ గర్వం|
కుర్వాణస్సాంపరాయం రథచరణపతి: స్థేయసీం వ: ప్రశస్తిం
దుగ్ధాం దుగ్ధాబ్ధిభాసం భయవివశ శునాసీర నాసీరవర్తి||
86
ద్రుహ్యాద్దోశ్శాలిమాలి ప్రహరణరభసోత్తానితే వైనతేయ
విద్రాతి ద్రాక్ప్రయుక్త: ప్రథనభువి పరావర్తమానేన భర్త్రా|
నిర్జిత్య ప్రత్యనీకం నిరవధికచరద్ధాస్తి కాశ్వీయరథ్యం
పథ్యం విశ్వస్య దాశ్వాన్ ప్రథయతు భవతో హేతిరింద్రానుజస్య||
87
నందిన్యానందశూన్యే గలతి గణపతౌవ్యాకూలే బాహులేయే
చణ్డే చాకిత్యకుంఠే ప్రమథపరిషది ప్రాప్తవత్యాం ప్రమాథం|
ఉచ్చిద్యాజౌ బలిష్ఠం బలిజభుజవనం యో దదావాదిభిక్షో:
భిక్షాం తత్ప్రాణరూపాం స భవదకుశలం క్రుష్ణహేతి: క్షిణోతు||
88
రక్తౌఘాభ్యక్త ముక్తా ఫలలులితలలద్దీచి వ్రుద్ధౌ మహాబ్ధౌ
సంధ్యాసంబద్ధతారా జలధర శబలాకాశనీకాశ కాంతౌ|
గంభీరాంభ మంభశ్చరమసురకులం వేదవిఘ్నం వినిఘ్నన్
నిర్విఘ్నం వ: ప్రసూతాం వ్యపగతవిపదం సంపదం చక్రరాజ:||
89
కాశీ విప్లోషచైద్య క్షపణధరణిజ ధ్వంస సూర్యాపిధాన
గ్రాహద్వేధాత్వ మాలిత్రుటనముఖకథావస్తు సత్కీర్తిగాథా:|
గీయంతే కిన్నరీభి: కనకగిరిగుహాగేహినీభిర్యదీయా:
దేయాత్ దైతేయ వైరీ సకలభువన శ్లాఘనీయాం శ్రియం వ:||
90
నానావర్ణాన్ వివ్రుణ్వన్ విరచిత భువనానుగ్రహాన్ విగ్రహాన్ య:
చక్రేష్వష్టాసు మ్రుష్టా సురవర తరుణీ కంఠ కస్తూరికేషు|
ఆతారాదర్ణమాలావధిషు వసతియ: పూరుషో వస్స దేయాత్
వ్యధ్వైరుద్ధూతసత్త్వై: ఉపహిత మబహిర్ధ్వాంత మధ్వాంత వర్తీ||
91
ద్వాత్రింశత్ షోడశాష్ట ప్రభ్రుతి-ప్రుథుభుజస్ఫూర్తిభి: మూర్తిభేదై:
కాలాద్యే చక్రషట్కే ప్రకటితవిభవ: పంచ క్రుత్యానురూపం|
అర్థానామర్థితానాం అహరహరఖిలం నిర్విలంబై: విలంబై:
కుర్వాణో భక్తవర్గం కుశలినమవతాత్ ఆయుధగ్రామణీర్వ:||
92
కోణైరర్ణైస్సరోజైరపి కపిశగుణై: షడ్భిరుద్భిన్నశోభే
శ్రీవాణీపూర్వికాభి: దధతివికసత: శక్తిభి: కేశవాదీన్|
తారాంతే భూపురాదౌ రథచరణ-గదా శార్జ్గ ఖడ్గాంకితాశే
యంత్రే తంత్రోదితే వ: స్ఫురతుక్రుతపదం లక్ష్మ లక్ష్మీసఖస్య||
93
దంష్ట్రా కాంత్యా కడారే కపటకిటితనో: కైటభారేరధస్తాత్
ఊర్ధ్వం హాసేన విద్ధే నరహరివపుషో మండలేవాసవీయే|
ప్రాక్ ప్రత్యక్సాంధ్య సాంద్రచ్చవిభర భరితే వ్యోమ్ని విద్యోతమాన:
దైతేయోత్పాతశంసీ రవిరివ రహయతు అస్త్రరాజో రుజం వ:||
94
కోణే క్వాపి స్థితోపి త్రిభువనవితత: చంద్రధామాపి రూక్ష:
రుక్మచ్చాయోపి క్రుష్ణాక్రుతిరనలమయో: ప్యాశ్రిత త్రాణకారీ|
ధారాసారో:పి దీప్తో దినకర రుచిరోప్యుల్లసత్తారకశ్రీ:
చక్రేశచ్చిత్రభూమా వితరతు విమతత్రాసనం శాసనం వ:||
95
శుక్లశ్శక్ర! స్తవస్తే సహదహన! కలాం కాల తే అయం న కాల:
కిం వో రక్షాంసి! రక్షా తవఫలతు పతే! యాదసాం పాదసేవా|
వాయో! హ్రుద్యోసి భర్తుస్త్యజ ధనద! మదం సేవ్యతాం త్ర్యంబకేతి
ప్రాహుర్యద్యంత్రపాలా: సదనుజ-విజయీ హంతు తంద్రాలుతాం వ:||
96
గాయత్ర్యర్ణారచక్రే ప్రథమ-మనుసఖస్మేర పత్రారవిందే
బింబం వహ్నే: త్రికోణం వహతిజయి జయాద్యష్టశక్తౌ నిషణ్ణా|
శోకం వో అశోకమూలే పద-సవిధలసత్ భీమ భీమాక్షభీమా
పుంసో దివ్యాస్త్ర ధామా పురుషహరిమయీ మూర్తిరస్యత్వపూర్వో||
97
పాశ్చాత్యాశోక పుష్ప ప్రకర-నిపతితై: ప్రాప్త రాగం పరాగై:
సంధ్యా రోచిస్సగంధై: స్వపద-శశధరం ప్రేక్ష్య తారానుషక్తం|
పద్మానాబద్ధ కోశానివ సురనివహై:అంజలీన్ కల్ప్యమానాన్
చక్రాధీశో అభినందన్ ప్రదిశతు సద్రుశీముత్తమ శ్లోకతాం వ:||
98
రక్తాశోకస్య వేదస్య చ నిహితపదం ప్రాప్తశాఖస్య మూలే
చక్రైరస్త్రై స్తదాద్యైరపి మహిత చతుర్ద్వి: శ్చతుర్బాహుదణ్డం|
ఆసీనం భాసమానం స్థితమపిభయత: త్రాయతాం తత్త్వమేకం
పశ్చాత్ పూర్వత్ర భాగే స్ఫుట నరహరితా మానుషం జానుషాద్వ:||
99
ప్రాణే దత్తప్రయాణే ముషితదిశిద్రుశి త్యక్తసారే శరీరే
మత్యాం వ్యామోహవత్యాం సతమసి మనసి వ్యాహతే వ్యాహ్రుతే చ|
చక్రాంతర్వర్తి మ్రుత్యు ప్రతిభయముభయాకార చిత్రం పవిత్రం
తేజస్తత్తిష్ఠతాం వస్త్రిదశకులధనం త్రీక్షణం తీక్షణ దంష్ట్రం||
- 100
యస్మిన్ విన్యస్య భారం విజయని జగతాం జంగమ స్థావరాణాం
లక్ష్మీ నారాయణాఖ్యం మిధున మను భవత్యత్యు దారాన్ విహారాన్|
ఆరొగ్యం భూతి మాయు: క్రుత మిహ బహునా యద్యదాస్థాపదం వ:
తత్తత్సద్యస్సమస్తం దిశతు స పురుషో దివ్య హేత్యక్షవర్తీ ||
101
పద్యానాం తత్త్వవిద్యాద్యుమణి గిరిశ వీద్య సంగసంఖ్యా ధరాణాం
అర్చిష్యంగేషు నేమ్యాదిషు చ పరమత: పుంసి షడ్వింశతేస్చ|
సంఘైస్సౌదర్శనం య: పఠతి క్రుతమిదం కూరనారాయణేన స్తోత్రం
నిర్విష్టభోగో భజతి స పరమాం చక్ర సాయుజ్య లక్ష్మీం||
శ్రీ సుదర్శన శతకం సంపూర్ణం
షట్కోణాంతర సంస్థిత, భవరోగ వినాశక, ఉజ్జ్వలాకార, రక్తమాల్యాంబరధర, రక్త చందన రూషిత,
నిత్య క్షేమకర, సర్వాయుధ సమన్విత, మంత్ర-యంత్ర మయ, నారాయణ క్రుపా వ్యూహ తేజశ్-చక్ర,
శ్రీ విజయవల్లి సమేత శ్రీ సుదర్శన పరబ్రహ్మణే నమ: