రాముని వారము మాకేమి విచారము
ఆనందభైరవి రాగం ఆది తాళం
ప: రాముని వారము మాకేమి విచారము
అ ప: స్వామి నీదే భారము దాశరధీ నీవాధారము || రాముని ||
చ1: తెలిసి తెలియ నేరము మాదేవునిదే యుపకారము
తలచిన శరీరము మది పులకాంకురపూరము || రాముని ||
చ2: ఘోరాంధకారము సంసారము నిస్సారము
శ్రీరాముల యవతారము మది చింతించుట వ్యాపారము || రాముని ||
చ3: ఎంతెంతో విస్తారము అవతల యొయ్యారము
ఎంతో శృంగారము మా సీతేశుని యవతారము || రాముని ||
చ4: ఇతరుల సేవకోరము రఘుపతినే నమ్మినారము
అతి రాజసుల జేరము మా రాముని దాసులైనాము || రాముని ||
This work was published before January 1, 1929, and is in the public domain worldwide because the author died at least 100 years ago.