రామా దైవశిఖామణి
తోడి రాగం త్రిపుట తాళం
ప: రామ దైవశిఖామణి సురరాజ మహోజ్వల భూమణి || రామ ||
అ.ప: తామర సాక్ష సుధీమణి భవ్య తారక భక్త చింతామణి || రామ ||
చ 1: నాడే మిమ్ము వేడుకొంటిగా శరణాగత బిరుదని వింటిగా
వేడుకై మిము పొగడ గంటిగా నన్ను దిగవిడనాడ వద్దంటిగా || రామ ||
చ 2: చింతసేయగ నేమిలేదుగా ముందు చేసిన గతి తప్పబోదుగా
ఇంతకు మిక్కిలి రాబోదుగా నే యితరుల గొలిచేది లేదుగా || రామ ||
చ 3: తమ్ముడు నీవొక జంటను రామదాసుని రక్షించుటను
సమ్మతి నుండు మాయింటను భద్రాచల వాస నీ బంటును || రామ ||
This work was published before January 1, 1929, and is in the public domain worldwide because the author died at least 100 years ago.