రామచంద్రులు నాపై
అసావేరి రాగం త్రిపుట తాళం
ప: రామచంద్రులు నాపై చలము చేసినారు
సీతమ్మ చెప్పవమ్మ నీ వైన సీతమ్మ చెప్పవమ్మ || రామచంద్రులు ||
అ.ప: కట కట వినడేమి సేయుదు కఠినచిత్తుని మనసు కరుగదు
కర్మము లెటులుండునోకద ధర్మమే నీకుందునమ్మా || రామచంద్రులు ||
చ1: దిన దినము మీచుట్టు దీనతతో తిరుగ దిక్కెవ్వరో యమ్మ
దీనపోషకు డనుచు వేడితి
దిక్కులన్నియు ప్రకటమాయెను ఒకమాటైన
అనడు ఎక్కువేమని తలతునమ్మా || రామచంద్రులు ||
చ2: కౌసల్య తనయుడు కపటము చేసినాడు కారణ మేముండెనో
కన్నడ చేసెదవా నీ కన్నుల వై భవముతోడ
విన్నవింప గదవమ్మా నీ
కన్న దిక్కెవరో యమ్మ || రామచంద్రులు ||
చ3: దశరధాత్మజుడెంతో దయశాలి యనుకొంటి ధర్మహీనుడోయమ్మ
దాస జనులకు దాత యితడట
వాసిగ భద్రగిరీశుడు రామదాసు నేల
రాడట రవికులాంబుధి సోముడట || రామచంద్రులు ||
This work was published before January 1, 1929, and is in the public domain worldwide because the author died at least 100 years ago.