మా తెలుగు తల్లికి మల్లెపూదండ
మా తెలుగు తల్లికి మల్లె పూదండ
మా కన్న తల్లికి మంగళారతులు
కడుపులో బంగారు కను చూపులో కరుణ
చిరునవ్వు లో సిరులు దొరలించు మా తల్లి
- గల గలా గోదారి కదలి పోతుంటేను
- బిర బిరా కృష్ణమ్మ పరుగులిడుతుంటేను
- బంగారు పంటలే పండుతాయి
- మురిపాల ముత్యాలు దొరలు తాయి
- గల గలా గోదారి కదలి పోతుంటేను
అమరావతీ నగర అపురూప శిల్పాలు
త్యాగయ్య గొంతులో తారాడు నాదాలు
తిక్కయ్య కలములో తియ్యందనాలు
నిత్యమై నిఖిలమై నిలచి యుండే దాక
- రుద్రమ్మ భుజ శక్తి
- మల్లమ్మ పతిభక్తి
- తిమ్మరుసు ధీయుక్తి కృష్ణరాయల కీర్తి
- మా చెవుల రింగుమని మారు మ్రోగే దాక
- రుద్రమ్మ భుజ శక్తి
నీ ఆటలే ఆడుతాం
నీ పాటలే పాడుతాం
జై తెలుగు తల్లీ! జై తెలుగు తల్లీ! జై తెలుగు తల్లీ!