ఈ పుట ఆమోదించబడ్డది
ముందుగతి
ఎక్కవే! కొండ నెక్కవే!
నా సక్క నెంకీ యెక్కవే!
కొండ నెక్కవే!
పక్క సూపులు మాని
పయి కెల్లి పోదాము!
యెక్కవే! కొండ నెక్కవే!
నా సక్క నెంకీ యెక్కవే!
ముందు నువ్వుంటేనే
కిందా నిలబడగలను
నీ నీడనే తొక్కు
కొని సులువుగ రాగల
నెక్కవే! కొండ నెక్కవే!
నా సక్క నెంకీ యెక్కవే!
నాలు గడుగు లేసి
నవ్వుతో పిలు యెంకి!
పిలుపు నవ్వే నాకు
ములుగఱ్ఱ కాగలదు!
యెక్కవే! కొండ నెక్కవే!
నా సక్క నెంకీ యెక్కవే!