రాధికా : సఖి! నవమాలికే! నఖలు భవాదృశో జానంతి మర్మ[1] వ్యధాం
విషమ సాయక పాతస్య పరం త్వత్ర[2] ప్రేమకళా పృచ్ఛతామ్.
ప్రేమ : గురుజనభయం, పాతీవ్రత్యం జనారవతో[3] భయం
సహచరి! శపే[4] వారం వారం త్రయం పరిరక్షితమ్
శ్లథయతి పరం మందం మందం విభోరధరస్థలీ
విగళదమృతాశంసీ[5] వంశోనినాద లవోదయః 17
రాధికా : (వంశీశ్రవణ మభినీయ ప్రేమావస్థాం నాటయతి)
ప్రేమ : ఇయం పులకమండలీ కవిలితా కపోలస్థలీ
తథా సరస శీత్కృతిః స్ఫురిత మానసాంభోరుహమ్.
ఆయంచ కుచకాంజనాచలజ నర్మఘర్మోదయో
ముహుః సుముఖిః! వేపసే మదనహేతి[6] భీతేవ కిమ్? 18
రాధికా : (నీవా సంయమన[7] మభినయతి)
నవమాలికా : (సహాసం)
నీవీం నవీకృత్య నితంబబింబే
కియత్పరిశ్రామ్యతి కోమలాంగి
పీతాంబరః పశ్యతి సస్మితం చే
త్తదా భవిత్రీ స్వయ మేవ బద్దా. 19
రాధికా : (నవమాలికాం విలోక్య సానందం)
అహో మురారే ర్మురళీ నినాద
లీలాయతానాం పర మూర్జితాని.
భవాదృశాం[8] యేన మహాసతీనాం
కపోలమూలే పులకావళీయమ్.
నవమాలికా : (సలజ్జ మధోముఖీభూయ స్వగతం)
గోపం కంచన కాంచనాంబరమయే పశ్యామిన శ్యామలమ్
యస్యాలోకవశాదృశా మృగదృశా మేషా విశేషాదభూత్
పీయూషలహరి
555
