శ్రీ జయదేవ కవి విరచితా
పీయూషలహరి
నాంది
కింజల్క ద్యుతి పుంజ పింజరదళత్ పంకేరుహ శ్రివహమ్
శంపా సంపతితాంశు మాంసల శరత్కాదంబినీ, డంబరమ్
లాస్యో[1]ల్లాసిత చండ తాండవకళా లీలాయితం సంతతమ్
చక్రప్రక్రమ వృత్త[2]నృత్త[3] హరయోర్నివ్యాజ మన్యాం జగత్ 1
కంపమాన నవ చంపకావళీ చుంబితోత్పల[4] సహోదరోదయం
రాస[5]లాలస నవీనపల్లవీ పల్లవీకృత ముపాస్మహే మహః 2
సూత్రధార : అలమతి విస్తరేణ (విలోక్య) అర్య మతిమధురో మధుమాసః
యత్రహి[6]
మరుత్పంపా కంపాకుల లహరి సంపాత శిశిరః
స్ఫురన్మల్లీవల్లీ[7] కుసుమపుట హల్లీసక నటః
నమన్నాళీర్మధుర మధుపాళీః కవలయ
న్నయం మందం మందం తరళతరుబృదం ప్రసరతి 3
అహూ భగవతో భాగవతజన శీతమయూఖస్య[8] నీలాచలమౌళి మండన
మణే[9]గరుడ ధ్వజస్య ప్రసాదే ప్రసాదమిళితాః[10] సామాజికాః
(కించ) -
