ఈ పుట అచ్చుదిద్దబడ్డది
నిషా కోసమై విషాణపూరిత
సురాదానమున పరాధీనుగా
బంధించేస్తూ, బలిభుక్కునుగా
పాతించేస్తూ, పశుతుల్యముగా
గవేషణమ్మౌ సుభీషణముగా
విషతుల్య మ్మగు విశ్వదాసమును
గగనము నంటే కరాళకాళీ
సుతలము ప్రాకే సుధూమ్ర వర్ణా
2
సులోహితార్చిస్ఫులింగినీ గణ
మనోజవమ్ముల - మార్తాండాంశల -
ఆహ్వానిస్తూ అవలోకిస్తూ
అండపిండ బ్రహ్మాండములను
అండపిండ బ్రహ్మాండము నిండిన
ఆహవనీయము కర్పణచేస్తూ
ఆకలి తీరని ఆరాటముతో,
అంతులేని హఠయోగముతో
చేసే ఈ యజ్ఞపు
చిద్విలాస మది యేమో!
చిత్తవీథిలో చిట్టెము కట్టిన
మత్తాశయ మది యేమో!
ఎన్నైనవో!
ఎన్నౌతవొ!!
ప్రపంచ మంతట పరంపరాకం,
విపంచి కింతట వసంతరాగం.
ప్రతిభ 1940 ________________________________________________________________________________________
456
వావిలాల సోమయాజులు
