పంచమప్రకరణము
325
పనుపడు సంసార - సారంబు సార
మన నొప్పు పరతత్త్వ - మందుఁ దాఁ బొంది,
యెపుడు సర్వం బీశ్వ-రాధీన మనుచుఁ,
గపటకారణపూర్వ - కర్మమే మనుట
మఱచి, శాంతిని లోనె - మౌనంబు పూని
మురిసి ప్రపంచ ని-ర్ముక్తుఁడై యున్న
నది నిశేషాసంగ - మన నొప్పు; మఱియు
విదితంబుగా లోను- వెలి, క్రిందు, మీఁదు,
దిక్కుల, గగనవీ-థినిఁ జేతనంబు
లెక్కువలై జాడ్య - హీనంబు లగుచు740
లలి వస్తువస్తుక-లన మొందకున్న
నలఘు చిదాభాస - లంబరాకృతులు
వెలుఁగుటలోన భా-వించి చూచినది
యల విశేషానంగ-మన నొప్పు; మఱియుఁ
బరఁగ సమ్మద సౌర-భము, చిత్తనాశ
కరము, సంసృతి పత్ర - కలితంబు, విఘ్న
విరహితంబైన వి-వేక పద్మంబు
మురువుగా నెదలోన - ముందుగా మొలిచి,
రహినిఁ దత్త్వవిచార - రవిరశ్మిచేత
విహితప్రబుద్ధమై - వృద్ధిఁ బొందుచును750
గుఱుతుగా నీయసం - గులకు ఫలంబుఁ
దిరముగా నిచ్చుఁ దృ-తీయ భూమికను.
జనునకు సజ్జన - సంగతి కర్మ
మునఁ గాకతాళీయముగ నుదయించు,