322
వాసిష్ట రామాయణము
గడలొత్తు నబ్దుల - కరడులలోనఁ
బడిన కూర్మము మేడ- పైకెక్కి నటుల660
పెక్కు జన్మంబుల - పిదప వివేక
మొక్కింత జనియింపు - చుండఁగా మదిని
సంసార సుఖముల - సారంబు, లధిక
హింసాస్పదము లని - యెఱిఁగి, కామాది
రిపులను ఖండించు - రీతులఁ గరుణ
నిపుడు నా కెఱిఁగించి, - యీ భవార్ణవముఁ
దరియింపఁజేసి, యా-త్మను జూపఁదగిన
గురుఁడు నా కెందుఁగ-ల్గు?నటంచు ధరను
గ్రమముగా వెదుకఁగాఁ - గర్మ వాసనలు
సమయుచునుండఁగా - సద్ధర్మ భక్తి670
వైరాగ్యముల మీఁది - వాంఛలు పొడము.
సారవిచార భా-స్వరనిష్ఠ గలుగుఁ,
గర్మాభిలాష త-క్కక వీడి, యాత్మ
మర్మశాస్త్రములఁ బ-ల్మఱుఁ జూడఁగోరు,
సదమల ధర్మ వి-చారుఁడై యుండు,
నది విచారాభిమా-నాత్మకం బగుచుఁ
బొలుపొందు నిదియాది- భూమికై యుండు;
నెలమి నీ భూమిక - నెక్కినవాఁడు
సారశ్రుతిస్మృతి - శాస్త్రేతి హాస
ధారణాయోగ త - త్త్వజ్ఞానగోష్ఠి680
గలిగినవాఁడై, య-ఖండ పాండిత్య
కలితులౌ పండితా-గ్రణులను జేరి