పంచమప్రకరణము
313
దొడరి వచ్చిన సుఖ-దుఃఖ జాలముల
నడర నిర్లేపుఁడై -యనుభవించుటయు,450
వాడ భేదములను - వడి మళ్లఁ బడక
యే దెఱుంగ నటంచు - నింట నుండుటయు
నరయ నిత్యాది క-ల్యాణ గుణములు
సరసాత్ముఁడైన సు-జ్ఞాని చిహ్నములు:
ఈ చిహ్నములకన్న - హెచ్చుకై సిద్ధు
లేచోటఁగోరఁ డ-హీన విజ్ఞాని.
అది యేల? యనిన మా-యా మహత్త్వములఁ
గదిసె నభోగమార్గ - గమనాదులైన
ఘన సిద్దు లా యహం - కారముం బెంచుఁ
గనుక, లోకులకు నె-క్కడనైన మహిమ460
చూప వేడ్క జనించుఁ.. - జూపిన యపుడె
కాపట్య జనుల సాం-గత్యంబు గలుగుఁ:
గ్రమముగా నట్టి సాం-గత్యంబువలన
విమలాత్మ తత్త్వంబు - వీక్షింప మఱచు.
నప్పుడు గుహ్య జి-హ్వాచాపలంబు
లుప్పొంగి పుట్టుఁ గా-వున సిద్ధులందు
నాసక్తి పడక, మా-యాతీతమైన
భాసుర చిద్బ్రహ్మ-పదమునం దంటి,
ప్రారబ్ధవశమునఁ- బామరులైన
వారిలో మెలఁగుచు - వాసిగా నుండి,470
ప్రాప్తపదార్థముల్ - భక్షించి యాత్మ
తృప్తిఁ బొందుదురు,వె-ల్తిని బొంద రెపుడు;