176
వాసిష్ఠరామాయణము
ఇరవొంద నాసక్తి - నెనసి యుండినను
కర మర్థి నది బంధ - కంబగుచుండు:
నెఱి నిది దేహంబు-నే దేహి ననెడి
యెఱుక లేకయ దేహ-మే నంచు భ్రమయు 1160
జనునకు సంసార - సంగంబు బంధ
మని చెప్ప నొప్పు నో-యవనీశచంద్ర!
శారీరసుఖదుఃఖ - సరణులు రెండు
నారయఁ బరమాత్మ - యందు వింతలుగఁ
దనరార నారోపి - తంబులై యెప్పుడు
తనియని చిత్తబం -ధకములై యుండు;
సర్వపూర్ణంబైన - సత్యాత్మదృష్టి
సర్వకాలము మాన - సమునందు నిలిచి
యున్నను బంధంబు - లూడుఁ, జిత్తంబు
పన్నుగ నాపర - బ్రహ్మమం దణఁగు. 1170
కావున నీవు న-ఖండాత్మసుఖము
భావింపు మొకటిగాఁ - బార్దివాధీశ!
వలనొప్ప సంసక్తి - వంధ్య యనంగ,
నలరారఁగా నవం-ధ్య యనంగఁ గలరు,
అందు వంధ్య యనంగ - నమరు. నాసక్తి
పొందుగా సంసార-ము జనింపఁ జేసి
భావింపఁ దాను ని-ష్ఫలయై మెలంగుఁ,
దావలమగు నవం - ధ్యాసక్తి ముక్తి
దాయినియై, మహా-ధన్యత నిచ్చు.
నా యాత్మ విజ్ఞాన - మందనేరకను 1180
