164
వాసిష్ఠరామాయణము
తడయక యాత్మ చి - త్తమున నైల్యంబు
విడిచి, చిత్తంబును - విడనాడి, శుద్ధ
చిత్తస్వభావ మం-చితముగాఁబొందె:
నత్తాపసుండు బో-ధానురక్తినను 880
వలనుగా వాసనా - వర్ణితుఁ డగుచు
నల చిదంబర రూప-మై ప్రకాశించి,
యనుపమపరమామృ - తార్ణవ మందు
మునిఁగి, తద్రూప మి - మ్ముగ విడనాడి,
యరుదుగా నిదమిత్థ - మనరానిచోట
మఱియును సత్తా స - మానత నొంది.
వరపరమానంద వార్థి తా నగుచుఁ,
బరఁగ నిర్వాత దీ-పము భంగి నిలిచి.
భాసురచిత్ర రూపము మాడ్కిఁ జేష్ట
బాసి, చలింపక - బ్రాహ్మణోత్తముఁడు 890
అట ఘనానంద ప-ద్మాకరమందె
యలఘుచిన్మయ హంస-మై యొప్పుచుండె.
అ రీతిఁ జిరకాల - మందున్నఁ జూచి,
యోరుపు చాలక - యురువిచిత్రములఁ
దొడరి చూపుచు దేవ దూతలు మించి,
కడువడి యోగ వి-ఘ్నములు సేయఁగను,
నా యతిశాంతుఁడై-యచ్చోటు విడిచి,
పోయి యొక్కకదినం-బొక్కొక చోట,
నొకచోట నొకమాస, - మొకవత్సరంబు,
నొకచోటఁ బెక్కేండ్లు - నుండి పోవుచును, 900
