126
వాసిష్ఠరామాయణము
తృతీయ ప్రకరణము
శ్రీతారకోల్లాస ! - శేషాద్రివాస !
శ్రీతరిగొండ నృ - సింహ! ధూతాంహ!
విన్నవించెద నది - వినుము వాల్మీకి
పన్నుఁగాఁ [1]దెల్పిన - పరతత్త్వ సరణిఁ
దగ విని యాభర - ద్వాజుండు పొసఁగ
మగుడి యి ట్లనియె రా - మక్షితీంద్రునకు
'నవల వసిష్ఠసం - యమి మఱియేమి
వివరించి చెప్పె నో - విమలాత్మ?' యనిన
మెఱసిన దయను వా - ల్మీకి యి ట్లనియె:
'వరగుణయుత! భర - ద్వాజ! రాఘవునిఁ 10
జూచి వసిష్ఠుఁ డ - చ్చుగ నిట్టు లనియె:
ఈ చరాచర విశ్వ - మెల్ల మనంబు
చేతఁ గల్పితమై ప్ర - సిద్ధమౌ సరణి
ఖ్యాతిగా వింటివి - గడ రామచంద్ర!
నలువొప్ప నుపశమ - న ప్రకరణముఁ
దెలిపెద నెట్లన్నఁ - దేటగా వినుము!
జనకోపొఖ్యానము
జనక భూమిభుఁడు - రాజ్యంబు సేయుచును
మనమున మోక్ష ధ - ర్మంబును మఱచి
చరియించు నపుడు వ - సంతకాలంబు
సరసమై రాఁగ, నా - జననాయకుండు 20
ఒకనాఁటి నడిరేయి - నుల్లాస మెసఁగఁ
బ్రకటంబుగా నిజబలములఁ గూడి,
- ↑ జెప్పిన - వేం.
