పుట:TALANKA-NANDINI-PARINAYAMU.pdf/86

ప్రథమాశ్వాసము

15

⁠

కడుజడధిక్రోధగర్వం బపనయించి         మిత్రజాతస్నేహపాత్రతఁ గొనె షడ్గుణఫలరసాస్వాదనామోదియై         యంగదాదిబహూకృతిం గ్రహించె

⁠

తే.⁠

వాదకోవిద దుష్ప్రతివాదిపంక్తి ముఖవిభంగయశఃప్రాప్తి ముదితుఁ డయ్యె చిత్రకావ్యుండు మౌద్గల్యగోత్రజుండు రాఘవార్యుండు రెండవరాఘవుండు.

⁠ 55

చ.⁠

సరసగుణాకరుం, దఖిలశాస్త్రవివేది, మనోజసుందరుం, డురుకరుణాకరుండు, వినయోజ్జ్వలశీలుఁ, డఖండకీర్తిసం భరితుఁడు, రంగనాయకితపఃఫలమూర్తి మదగ్రజుండు నా గరికత కంటిఱెప్పవలె గాఁచిన వేంకటనారసింహుఁడన్.

⁠ 56

సీ.⁠

నిరతాఖిలావనీభరితాఖ్యచే శేష         శైలవిఖ్యాతి నిశ్చయము గాదె చేతనాఘవ్రాతఘాతనాధికవృత్తి         ధర్మాద్రి యనుట వాస్తవము గాదె. లోకావనాపాంగలోకనాఢ్యుని మ్రోయ         గరుడాద్రి యనుట సార్థకము గాదె ఘనముక్తులకు మోక్షధనము కన్నులఁ జూప         నంజనగిరి తథ్యమయ్యె గాదె

⁠

తే.⁠

యట్టి వృషగిరికటకమహాగుహాంత రాళమణిమయసౌధాంతరస్థుఁడైన వేంకటేశ్వరునకు వేనవే లొనర్తు కలితభక్తిపునర్నమస్కారవిధులు.

⁠ 57