పుట:TALANKA-NANDINI-PARINAYAMU.pdf/369

314

తాలాంకనందినీపరిణయము

⁠

చపలాక్షిం గొనిదెత్తు నం చని యలక్ష్యం బొప్ప భాషించు ధీ నిపుణున్ రాముని జూచి శౌరి నగుచున్ నేర్పొప్పఁగా నిట్లనెన్.

⁠ 252

క.⁠

రామా నీవచనంబుల కేమనగలవాఁడ విహిత మెంచక చెలియ ల్వేమాఱు వేడ లఘుగతి గా మునువిదళింప మేలుకలుగునె మనకున్.

⁠ 253

సీ.⁠

మునుమున్నె నీకూర్మపుత్రి నిత్తు నటంచు         భగినితో నమ్మికల్ బలుకు టేమి? యింతలో కురురాజు హీనసంపద గోరి         వాని కాత్మజ నీయఁ బూను టేమి? చెలియ తిండికి పంచ జేరియున్న దటంచు         కర్ణకఠోరముల్ గడవు టేమి? తతపరాక్రమపాండుతనయుల నిందించి         పరుషోక్తు లొకకొన్ని బలుకు టేమి?

⁠

తే.⁠

తలఁపులో కోర్కె లీభంగి దప్పెననుచు డెందమున గుంది కొందలం బందు టేమి? యఖిలవిధముల దైవప్రయత్నమునను జెడిన కార్యంబునకు జింత సేయు టేమి?

⁠ 254

మ.⁠

వనిత నొసంగకన్ బరుషవాక్యము లీవు వచించుటల్ నికే తనమును వెళ్ళద్రోయుటగదా! మఱి వేఱవమాన మున్నదే యని తనయుండు దాను వికటాటవులం జరియింప దానవుం డనుజునకున్ సహాయగతి యయ్యె నతం డవిజేయుఁ డౌటచేన్.

⁠ 255

గీ.⁠

రావణునకన్న మాయాధురంధరుండు వాని నిర్జించెద నటంచుఁ బూనె దీవు మనలనందఱ మార్కొని మడియజేయ కింక నీమేర నిలిచిన నింతె చాలు.

⁠ 256