పుట:TALANKA-NANDINI-PARINAYAMU.pdf/125

70 తాలాంకనందినీపరిణయము

గీ.⁠

పెక్కువగఁజిక్కు నటకు లొక్కొక్కదిక్కు నుట్టిపడినట్టి మాగధు లొక్కతట్టుఁ గొలువ కొలువున కొలువుండె నలువచెలువు మయునిమాయామయాలయమధ్యమునను.

⁠ 300

చ.⁠

అపు డతిమత్తుఁడుం దురభియాతి దయారసవర్జితుం డస త్యపథుఁ డహంకృతుండు కలుషాత్మకుఁడుం గులపాంసనుండు బం ధుపటలవైరి యార్యజనదూషకుఁ డైన సుయోధనుండు త ద్విపులసభాంతరస్థలికి వే జనుదెంచె నుదంచితప్రభన్.

⁠ 301

సీ.⁠

అతిచిత్రగతిమిత్రతతి వేత్రములఁ బూని     బలశీలులై వెంటబలసి గొలువ సకలాభినయశోభితకళాభిరతులచేఁ      బ్రమదాలినర్తన ప్రమద మెసఁగ మణికంకణాలంకరణఝంకరణము తో      రములుగా సితచామరములు వీవ నసమానలసమానరసగాన మెనసి హృ      ద్యములుగా నిఖిలవాద్యములు సెలఁగ

⁠

తే.⁠

హితపురోహితసుత సుహృత్ప్రతతివినుత సతతహితగతి నతికుతుకత దనర్ప వచ్చె నచటికి నతిమదమచ్చరమున గ్రోధమానధనుండు దుర్యోధనుండు.

⁠ 302

మ.⁠

చనుదేరం గపటాత్ముఁడౌ కతన నాస్థానంబు మాయావిమో హనముం గావున నిర్జలస్థలి ప్రవాహప్రాయమై నీరము లనుబట్టం దన చింగులెత్తుకొని డాకాలూఁతచేతం జివు క్కున లంఘించు జలంబుగల్గునెడలం గూర్చుండు భావభ్రమన్.

⁠ 303