|
హరునిమీదఁను కుంకుమాంబువు ల్సిమ్మె
...........................................
నాలవహస్తంబు నవ్వసంతంబు
లీల నందించి యా లేమలమీఁద
గౌరిచే నిండించి కలకల నవ్వె
.............................................
మెఱుఁగుబోడి శిరంబు మిక్కిలి వంచి
కరగినయట్టి బంగరుముద్దలాగు."
| 200
|
'నవ్వసంత' మనచోట నఖండయతి.
గీ. |
పొరలు నుసురను కనుమూయు వెఱగుఁజెందు
బెదరి పాన్పునఁబడి లేచు నొదుగు నవ్వు
కన్నుగవ నీరు నించు చికాకు నొందు
వాయు చలవల్లి పోలిక వడఁకుఁ జెందు.
| 201
|
భానుమతీపరిణయము —
ఉ. |
ఆరతిరాజు తాపమున నల్లలనాడు మెలంతమేనిపై
జాఱిన కప్పు పెన్నెఱుల సందడి యొప్పు మహానిలాహతిం
గారు మెఱుంగు కీలెడలి గ్రక్కున వ్రాలిన మోహదృష్టిచే
వారిధరంబు మిన్ను డిగి వచ్చి వెసం బయిఁ బర్వెనో యనన్.
| 202
|
అందే —
చ. |
సరసిజగంధి పెందొడల సాటికి రా నెదిరించి పోరు నీ
కరభము లెల్ల జేబడుట కన్గొని యుండియుఁ దజ్జయార్థమై
పొరలఁ బెనంగి యూచఁబడి పోవుట లింతియెఁగాక ధాత్రిపై
నఱటులు పిల్ల పిల్ల తరమైనను సామ్యముఁ బొందనేర్చునే.
| 203
|
అందే—
రగడ. |
ప్రేమ నెఱుఁగు పెద్ద ఱేగులను ఱేగులను
గోము మీఱిన కొండ గోగులను గోగులను...
| 204
|
అరణ్యపర్వము (4-294) —
క. |
ఉరవగు నారికె పంటలు
గొఱియల పాడియును దఱచగున్ బురుషులకున్
దెఱవలు చుట్టము లయ్యెద
రెరచియు భుజియింతు రర్థి నెల్ల జనంబుల్.
| 205
|
ఇటువలెనే మరియు (బహులములు) గలవు. ఇక — 206