| గీ. |
సొరిదిఁ గాదుల వట్రువసుడుల కెల్ల
ఋత్వమిత్రంబులగు నచ్చు తెనయ నైదుఁ
జెల్లు హయలును స్వరమైత్రిఁ జెందునపుడు
వెలయు నివి ఋత్వసంబంధ వలు లనంగ.
| 42
|
అర్థము: కృ గృ మొదలైన వట్రసుడి గల హల్లులన్నియు ఇ, ఈ, ఎ, ఏలు ఋకారము – ఈ అయిదచ్చులకు వడి చెల్లును. 43
లక్ష్యములు—
సుభాషితరత్నావలి—
| గీ. |
నృపులు పండితులగు వారి యెడల గర్వ
కలన మానుఁడు వారి మీ కలిమి తృణము
లీల వారింపలేదు మృణాలగుణము
భూరిమదవారణములకు వారణంబై.
| 44
|
తిమ్మకవి రసికజనమనోభిరామము—
| క. |
వృద్ధునకు యువతి విషమగు
వృద్ధాంగనకు యువజనుండు వెలయఁగ సుధయౌ
సిద్ధమని కొంద ఱపుడా
వృద్ధా గౌతముల నెగ్గు లెన్నిరి పెలుచన్.
| 45
|
మనుచరిత్రము (1-57)—
| సీ. |
తీర్ధథసంవాసు లేతెంచినారని విన్న
నెదురుగా నేగు దవ్వెంతయైన
నేగి తత్పదముల కెరగి యింటికిఁ దెచ్చుఁ
దెచ్చి సద్భక్తి నాతిథ్య మిచ్చు
నిచ్చి యిష్టాన్నసంతృప్తులుగాఁ జేయుఁ
జేసి కూర్చున్నచోఁ జేరవచ్చు
వచ్చి యిద్దరగల్గు వనధిపర్వతనదీ
తీర్థమాహాత్మ్యముల్ తెలియ నడుగు...
| 46
|
