ఏటికి మందులు మాయలు నేటికి ద్రవ్యంబు జాతు లింతులమనసుల్ నాటుకొన విభుఁడు చల్లని మాటలఁ గరఁగించి కలయు మత మదియైనన్.
మన సెఱిఁగి బాహ్యరతులను బెనుపుచుఁ జోఁకోర్చి యింపు బెరయఁగ నెపుడున్ దనసుఖము దలఁపకుండెడు మనుజునిఁ బాయంగఁగలరె మగువలు జగతిన్.
మృదుమార్గమునఁ గాదె కొదలేక గాడ్పులు చొరరానిచోటులఁ జొచ్చి విడుచు మృదుమార్గమునఁ గాదె నదనదీజలములు కొండలఁ దెగఁబాఱి క్రుంగఁజేయు మృదుమార్గమునఁ గాదె యద నెఱింగి మిళింద మలరులతేనియ లపహరించు మృదుమార్గమునఁ గాదె యది చంద్రచంద్రిక మేలైనపటికంపుఱాఁలు గరఁచుఁ గాన మృదురీతి మెలఁగెడు మానవుండు యంగనాచిత్తవృత్తుల లొంగఁగొనును