ఘనకుచద్వయంబు కఠినాంగకములును దృఢమగురతియు హస్తినికి నమరు యిఱిగుబ్బచన్నులు నిఱుపేదకౌనును గినుకయు నరయ శంఖినికిఁ దొరయు సరసంపుఁజేతలు చతురసంభాషణల్ మృదువర్తనములు పద్మినికిఁ మెఱయు మధువువాసనయును గరిమదముకంపు నింపుగంధంబు వికచపద్మంపుఁదావి వలచు వలరసమలరు పల్వరుసతోడ నండ్రు కామకళావేదు లఖిలవంద్య!
కన్నులు ద్రిప్పుచు వన్నెలు పచరించు రూపుఁ జూపుచును భద్రుండు దిరుగు నెదిరియిం పెఱుఁగక యీవి యెంతేనిచ్చి తనయిచ్చ నెపుడు దత్తకుఁడు దిరుగు మందుమంత్రంబులు మాయలు పచరించి ఖండించి కూచిమారుండు తిరుగు మనసులు గరఁగించి మర్మజ్ఞుఁడై రతిఁ దేలించు సతులఁ బాంచాలుఁ డెపుడు
