వేఁటపైఁ జిత్తంబు విడియ ధూర్తులతోడ నర్థాశ జూదంబు లాడఁజొచ్చు ననిశంబు జూదంబు లాడుచుఁ దనయిచ్చఁ దోడ్తోన చేయును దుర్వ్యయంబు దుర్వ్యయుం డయి పరుసంబు దొనరఁ బలుకు పలికి యంతటఁ బరదండనలకుఁ జొచ్చు గాన వ్యసనంబునకు నాదికారణంబు తలఁచి చూడంగ వారకాంతారతంబు.
నడవగవలెఁ దగునడవడిఁ దడయక సంసారియైనఁ; దా నటు గాఁడేఁ బడిసెట్లనె కూడగవలెఁ గడగానక వేశ్యలిండ్లఁ గడతేరుటకున్.
సురపతియును జందురుఁడును బరకాంతలఁ గోరి కాదె పనిచెడి దోషా కరులై యపకీర్తులఁ బడి వరుసలు చెడి రందు రెల్లవారలు నవ్వన్.