పుట:Sringara-Malhana-Charitra.pdf/56

క.⁠

కోఁతల గీతల వెల్లల రోఁతలకును మూల మగుచు రూపఱి మిగులన్ బ్రాఁతి చెడు ముదిసె నేనియు లేఁ తప్పుడె లంజెయున్కి లెస్సై యుండున్.

⁠

క.⁠

తల నెరసిన ముదివిటులును గులహీనులుఁ గుండగోళకులును గురూపుల్ కలిమి గలవార లైనను వెలయాండ్రను నెపుడుఁ బ్రోచు వేల్పులు గారే.

⁠

క.⁠

బొజ్జలు పెరిఁగిన సెట్లు నొజ్జల్లును దడిక ద్రోపు లొంటరికాండ్రున్ లజ్జ యెఱుంగని విటులును సజ్జకముగ వారసతులజన్మఫలంబుల్.

⁠

క.⁠

చక్కనివారలు జారులు కక్కసమగువారు వన్నెకాండ్రున్ రసికుల్ చొక్క మగు రాకుమారులు మిక్కిలి వెలయాండ్రపాలిమృత్యువు లరయన్.

⁠

క.⁠

రొక్కము ధన మీగలిగిన మిక్కిలియుఁ గురూపియైన మెచ్చఁగవలయున్

⁠