ఘనసారచందనకస్తూరికాదులు పొరిఁబోరిఁ గొనియిచ్చి పోవువారు ఘనవజ్రతాటంగకాంచీకలాపంబు లింద, కొమ్మని వేఁడ్క నిచ్చువారు మధురఫలములుఁ బుష్పముల్ మక్కు వలర నూరకైనను గొనివచ్చి యొసఁగువారు నైరి యప్పుష్పగంధివాహ్యాళిఁ జేసి యఖిలజనములు మనముల హర్ష మొదవ.
ముద్దియలావణ్యమునకు సంతోషించి మెచ్చుచుఁ గ్రుక్కిళ్ళు మ్రింగువారు కనుకని చేఁ జిక్కి మనసు దీయఁగలేక దినమును వెనువెంటఁ దిరుగువారు పనుపు నెపంబున బాలఁ జేరఁగవచ్చి వావిరి నరుసుకొ పోవువారు శృంగారపద్యముల్ చెప్పించి తముదార సారెసారెకు వినఁ జదువువారు దూరమున నుండియైనను జేరవచ్చి సొమ్ములును వన్నెసవురులు చూపువారు
