పుట:Sringara-Malhana-Charitra.pdf/39

⁠

తలపఁగఁ బసిఁడికి వాసన కలిమియుఁ జెఱకునకుఁ బండుఁ గలుగుటగాదే?

⁠

వ.⁠

మదనసేన విద్యానిధియను నాచార్యునొద్దఁ దనముద్దుపట్టిం జదువంబెట్టిన నయ్యాచార్యుండును;

⁠

సీ.⁠

బాలిక కక్షరాభ్యాసంబు గావించి                    వర్ణక్రమంబుల వరుసఁ దెలిపి బహువిధస్తోత్రముల్ పాఠంబు గావించి                    వివిధకావ్యంబుల వినికిఁ జెప్పి శబ్దప్రపంచంబుజాడ యెఱింగించి                    సంధిసమాసాదిసరణిఁ జూపి నాటకాలంకారనైపుణి సూచించి                    చిత్రాశుకవితాప్రసిద్ధి గరపి యఖిలశాస్త్రపురాణేతిహాసమహిమఁ బ్రోడఁగాఁ జేయుటయు నంతఁ బుష్పగంధి మలహణుఁడుఁ దానుఁ గూడి సమ్మద మెలర్పఁ జింతనలు సేయుచుంద్రు నిశ్చింతతోడ.

⁠