పెద్దలఁ గన్నను బ్రేమముల్ పల్కును మౌనులఁ బొడగన్న మండిపడును దైవతాంతర మన్నను దప్ప నాఁడు జపతపంబులు దలఁచినఁ జప్పరించు క్రతువు లన్నను మాటకె కల్లలాడు నతిథు లన్నను మండచు నడిచిపడును.
దరిబేసు లన్నను దద్దయుఁ గొనియాడు జైనుల గన్నను సంతసిల్లుఁ గుచ్చితకాండ్రన్న గొండాటములు సేయుఁ బాషండు లన్నను బరిణమించు మాతంగు లన్నను మఱిచేరరమ్మనుఁ బలుగాకు లన్నను భక్తిసేయు భాండికు లన్నను బాయఁ డేప్రొద్దును గుండగోళకు లన్నఁ గుస్తరించు జారచోరులఁ గన్నను సంతసిల్లుఁ గట్టుపోతులఁ బొడగన్న గౌఁగిలించు నేభ్యరాసులఁ బొడగన్న నిచ్చగించు దూషకుల గన్నఁ దెగఁబాసి తొలగఁ డెపుడు.