146
శ్రీ రా మా య ణ ము
మండు దీపముల సం - పఁగి నూనె వడియు
చుండుకైవడి నశ్రు - లుప్పతిలంగ
- : రావణుఁడు పదివేలమంది రాక్షసవీరులను హనుమంతునిపైఁ బంపుట :-
నలుబదివేలు దా - నవ వీరభటుల
బల శౌర్యములఁ దన - పాటి వారలను
బిలిపించి "నేఁడొక్క - పెనుగ్రోతి వచ్చి
చిలివిషంబులు జేసి - సీతయున్నట్టి
వనమెల్లఁ బెఱికి యె - వ్వరి లెక్కఁగొనక
మనతోఁట వాకిటి - మంటపాగ్రమున 3450
నున్నది దాని మీ - రొడిసి పోనీక
వెన్నంటి యాజ్ఞఁగా - వింపుఁడుపోయి.”
అనవారు శలభంబు - లనలంబులోనఁ
గనియుఁ గూలఁగఁ బోవు - గతిఁ జేరఁబోయి
భానుని కరముల - పాటినిశాత
నానాస్త్రకోటి వా - నయుఁబోలి కురియ
నవి యెల్ల హనుమంతుఁ - డలవోకగాఁగ
నవలికీవలికి వా - లాగ్రంబు చేత
వారించి శౌర్యదు - ర్వారుఁడై తోర
ణారూఢుఁడై యట్ట - హాసంబుఁ జేసి 3460
"జయమొందు శ్రీరామ - చంద్రుఁడు నేఁడె
జయశాలి యగును ల - క్ష్మణకుమారకుఁడు
రామపాలితుఁడు మా - రాజు సుగ్రీవుఁ
డామేర జయశాలి - యై యొప్పుఁగాక
