106
శ్రీ రా మా య ణ ము
యాస యుండదుగాన - హనుమంతుఁజూచి
యాసీత మధుర వా - క్యముల నిట్లనియె
"మది చూడ వేఁడి యీ - మాటలాడితివి
బ్రదికి యుండినఁ గల్గు - భద్రంబు లెల్ల 2500
సేమంబెకాక మా - శ్రీరామ విభున
కేమి కొఱంత? నీ - వెఱిఁగిన పాటి
యేను నెఱుంగుదు - నింతియచాలు!
వానరోత్తమ! మేలు - వార్తఁ దెచ్చితివి!"
అనిపల్క నిజముగా - నాడిన దనుచు
జనకజఁ జేరఁగఁ - జనుదేరఁ జూచి
యదియు రావణుఁడుమా - యావియై తన్నుఁ
గదియుచున్నాఁడని - కరపల్లవమునఁ
బట్టిన కొమ్ముఁ దాఁ - బట్టూడి వదల
నెట్టిచోనిలిచె న - య్యెడఁ గూరుచుండి 2510
తలవాంచియున్నఁ జెం - తను గేలు మొగిచి
నిలుచున్నయట్టి వా - నికి సీత వలికె
"మేలు శ్రీరాముని - మేలు చెప్పితివి
చాలునింతియె నాకు - సంతోషమయ్యె
నిన్ను రాఘవుఁడంపె - నే? రాముచెంత
నెన్నినాళ్ళాయె నీ - విప్పుడు కొలిచి?
కల్లలు నేరవు గద? - మంచివాఁడ
వెల్లిదమ్ములు సేయ - నెంచిన నీకు
నీకోతి వాళక - మేల వేఱొక్క
యాకారమున మాట - లాడిననేమి? 2520
