ఆరణ్యకాండము
55
కెలనికిఁ జేరి బె - గ్గిలనీక దువ్వి
యాచిక్కు లెడలింప - నవిదాఁటి మఱలి
చూచుచుఁ బారెడు - సొబగుఁ జూచితివె! 1280
యిజటాయువుఁ గూడి-యిచ్చోటి మౌని
రాజుల కెల్ల నూ-రట చేసి యిందు
-:సౌమిత్రి పర్ణశాలను నిర్మించుట:-
వసియింత"మని పల్క - వడి నొక్కచోటి
కనువెల్లఁ బోఁజెక్కి - గాఁతముల్ ద్రవ్వి
జమ్మిమ్రాకులను గుం-జలు నిల్పి యిప్ప
కొమ్మల దూలముల్ - గొట్టి యమర్చి
ముదురులై చక్కనై - ములు జీరనట్టి
వెదురుబొంగులు దెచ్చి - వెసఁగయిలెత్తి
నిడుపాటి వేఁప పెం - డెలు గట్టి మీఁద
పొడువాటి దర్భల - ప్పుడు వాస పోసి1290
మొగదల నాయుధం - బులశాల హోమ
జగతియు నిర్మించి - చలువచప్పరము
విప్పుగా వైచియా - వెలిములుకంప
గొప్ప యేనుఁగ పొడు - గున పొంకపఱచి
గావలిగుడిసె యొ - క్కటి తా వసింపఁ
గ్రేవల నునిచి వా - కిటఁ దల్పులునిచి
సన్నజాజులును గొ - జ్జంగి తామరలు
పన్నీరు పువ్వులు - పాదిరి విరులు
కలువలు సంపెఁగల్ - ఘమ్మను తావి
వలపు దండలు గట్టి - వడిఁదీర్థమాడి1300
