50
శ్రీరామాయణము
గనియెను గాళిక - కాలకాసురునిఁ
నరకాసురునిఁ దామ్ర- నందనీమణులఁ
బొరసె పక్షులజాలి - పొదల నేవురను
నవిక్రౌంచి యన భాసి - యనశ్యేని యనఁగ
రవివంశ! శుకిధృత - రాష్ట్రియు ననఁగ 1160
నందులో గూబల - నలక్రాౌంచి కాంచె
నందను బాతుల - నాభాసిభామ
శ్యేనిగృధ్రములఁ గాం - చెను ధృతరాష్ట్రి
కానుపు హంస చ - క్రద్వయంబయ్యె
శుకిగాంచె నతను - నా సుందరివినత
నొకతెఁ గాంచెను మరి - యును గ్రోధవశకు
గలిగిరి పదువురు - కన్యలు మృగియు
నల మృగమందయు - హరి భద్రమదయు
మాతంగి శార్దూలి - మరి కమ్రరోమ
శ్వేతయు సురసయు - క్షితి సురభియును 1170
నను పదువురియందు - నల మృగజాతిఁ
గనియెను మృగి రిక్ష - గణచమరముల
మృగమంద గనియె నె - మ్మిని భద్రమంద
నెగడు నిరావతి - ని తనూజఁ గనియె
నాయిరావతి గాంచె - నైరావతంబు
నాయెడ హరిగాంచె - హరులు గోఁతులను;
శార్దూలగవయాది - సంతతినెల్ల
శార్దూలి గనియెను - సామజంబులను
మాతంగి గనియెను - మరి శ్వేతగాంచె
ఖ్యాతిగా నష్టది - గ్గజ వరంబులను 1180
