ఈ పుట ఆమోదించబడ్డది
ఆరణ్య కాండము
25
మీకు నింపొసగు భూ - మీరుహచ్చాయ
యా కెలంకులచంద - నానిలంబులను
నచటి తమ్మికొలంకు - లందు నెంతయును
రుచివుట్టు నీరంబు - గ్రోల నింపెసఁగు 560
నావనగిరి కంద-రాంతరంబులను
దేవియుఁ దాము మో- దింతురుగాక!
చలువచప్పరముల -జాడ రసాల
విలసితచ్ఛాయల - వేడుక సేయు
నావనంబునెగాని - యన్యంబులైన
తావు మీరుండఁగ-దగదు పొండ"నిన
ఆమౌనివరునకు- నంజలిజేసి
రామలక్ష్మణులు ధ - రాతనూజయును
వలగాఁగ వచ్చియా - వల సాగి తమ్ము
వలఁగొని మునులు న-ల్వంకల రాఁగ 570
నెక్కువెట్టిన విండ్ల - నిరువుర నడిమి
చక్కి జానకి నుంచి - చనుచున్న యపుడు
ఆరమణీమణి - యాత్మఁ జింతించి
శ్రీరామచంద్రు నీ - క్షించి యిట్లనియె.
-:నీత రామునితో రాక్షసుల జంపమానుఁడని మనవిఁ జేయుట:-
"అయ్య! యిమ్మునినాథుఁ - డాడిన మాట
యయ్యెడ హితమని-యేఁగ నేమిటికి?
వసుధఁ గాముకులగు - వారికి నిట్టి
వ్యసనముల్ దగుఁగాక - వలవదు మీకు;
