524
శ్రీరామాయణము
మనకెల్లఁ గర్త యా - మార్తాండసుతుఁడు
పనిపూని వచ్చిన - భటుల మిందఱము5980
అతని యానతి మీఱ - నగునె యెవ్వరికిఁ
గతమిచ్చెనే నన్నుఁ - గడనుండు మనుచు?
నీపని యితనిచే - నీడేఱు ననుచు
జూపుము పనిగొమ్ము - చూచెదమతని"
అనిన నందఱి మాట - నాలకింపుచును
దనకేమి పనియని - తలఁచిన కరణి
గడనున్న వీరశే - ఖరు నాంజనేయు
వడిఁజూచి యాజాంబ - వంతుఁ డిట్లనియె,
-: సీతను వెదకుటకై జాంబవంతుఁడు హనుమంతుని ప్రోత్సహించుట :-
"ఏమయ్య! హనుమంత! - యేమియు ననక
స్వామి కార్యహితంబు - సడలి యున్నావు5990
సామజోత్తమము దీ - ర్చఁగనైనపనికి
దోమలు వూని పొం - దునె కార్యసిద్ధి?
నీచేతనగుపని - నీచేతఁగాక
నీచవానరులెల్ల - నిర్వహింపుదురె?
మాదృశులకుఁ దర - మా? వార్ధి దాటి
యీదృశకార్యంబు - లీడేర్తు మనఁగ?
రామలక్ష్మణులకు - రవితనూజునకు
నీ మేర సరివత్తు - వీ వెల్ల యెడల
ధరణిభరంబెల్లఁ - దాఁబూనఁ జాలు
గరుఁడుఁ డొక్కఁడు విహం - గమజాతిలోన 6000
