518
శ్రీరామాయణము
తనువునిండఁగఁ బత - త్రంబులు మొలిచె!
లావుల వెంటనే - లావునువచ్చి
నావిహగేంద్రుఁడు - హనుమంతుఁజూచి
"యనుమానములు మాని - యవనిజ వెదకు
పనికి మీరుద్యోగ - పరులుఁ గావలయుఁ5840
బక్షముల్ మొలిచె నా - పైనది మీకు
సాక్షి మీకార్యంబు - సఫలమౌటకును
అనుచు ఱెక్కలతోడి - యద్రియుఁబోలి
పెనుమ్రోఁత రివ్వని - పృథివిపై నిండ
సంపాతి యెగసి కీ - శశ్రేణిఁ జూచి
సంపూర్ణకాముఁడై - చదలఁ బోవుచును
“అదె! లంకణ వాఁడె! ద - శాననుఁ డల్ల
యదె సీత! చనుఁడు మీ - రని వినఁబల్కి
పోయినఁ గపులెల్ల - పుటముగా సెగసి
యాయద్రి పైనుండి - యవనికిదాఁటి5850
"సంపాతి మాటలు - చాల నమ్మితిమి
చంపఁజూచె నతండు - జలధి పాల్జేసి,
ఎక్కడి పని? మన - మెక్కడ? లంక
యెక్కడ? రావణుఁ - డెక్కడ? సీత
యెక్కడ? వానరు - లెక్కడ? పోవు
టెక్కడ?" యని కపు - లెల్ల వాకొనఁగ
నందఱఁ గనుగొని - యందుకుఁ దగిన
యందంబు మది నెంచి - యంగదుం డనియె.
