కిష్కింధా కాండము
505
గాటంపు టెండలఁ - గమిలేనిక్రియలు
యీవింధ్యబిలములో - హీనసత్త్వమునఁ
దావచ్చి పడితి నా - తమ్ముఁ డెచ్చటికిఁ
బోయెనో యెఱుఁగ మి - ప్పుడు వాని హాని
నో యయ్యలార మీ - యుక్తులవింటి
ననిన వాలితనూజుఁ - డావిహాగేంద్రుఁ
గనుఁగొని పేరాసఁ - గ్రమ్మఱం బలికె.5520
"సీతకునై పొలి - సిన పక్షిరాజు
నీతోడఁబుట్టుట - నిజమయ్యె నేని
మాటవాసిగ నీవు - మహిసుత యిట్టి
చోట నున్నదియని - చూపి చెప్పినను
మమ్ము రక్షించుట - మము నంపి చాల
నమ్మిన సుగ్రీవు - నకుఁ గీర్తి యగుట
శ్రీరామునకు సీత - చేకూడుటయును
కారణమ్ములుగాఁగఁ - గల సుకృతంబు
నిన్నుఁ జేరు"నటన్న - నీడజస్వామి
మన్నించి వారితో - మఱియు నిట్లనియె.5530
"క్షితిమీఁదఁ గన్నులు - చెఱచు దైవంబు
మతి యిచ్చినట్లు నా - మదిలోన నిపుడు
బుద్ధి చలింపదు - పోయెఁ గాలంబు
వృద్ధుఁడనైతి దో - ర్వీర్యంబు లేదు
చేదోడు గావింపఁ - జేతఁగాకున్న
వాదోడు చేసి మీ - వాఁడ నీనగుదు.
బలిజేరి తా దార - వట్టి వామనుఁడు
యిలఁ గొల్చినది చూచి - యే నెఱుంగుదును.
