503
కిష్కింధా కాండము
పెద్దవాఁడగుట ద - ర్పించి రావణుఁడు
గద్దించి ఱెక్కలొ - క్కటఁ ద్రుంచుటయును
ధరణిపైఁ బడియుండఁ - దమ్ముఁడుఁ దానుఁ
దరుణిపోయిన జాడ - తమ కేఱుపడక5470
వచ్చి జటాయువు - వార్తచే నసుర
మ్రుచ్చిలికొనిపోవు - మూలంబెఱింగి
తమ తండ్రి కాతఁ డెం - తయు నాప్తుఁ డతఁడు
తమకార్యమునకునై - తనువుఁ బాయుటయు
నరలేక పుణ్యలో - కావ్యాప్తి కొఱకు
కరుణించి యగ్నిసం - స్కారంబుఁ జేసి
ముందుగానక ఋశ్య - మూకంబుఁ జేరి
యందుఁ జింతలుచున్న - యర్కనందనుని
చెలిమి కార్యార్థియై - చేసి రాఘవుఁడు
బలిమిచే నొకకోలఁ - బడ వాలినేసి5480
భానుజుఁ గిష్కింధఁ - బట్టంబుఁ గట్టి
తానిల్పె నతనిపైఁ - దమకార్యభరము.
ఆ రవినందనుఁ - డన్నిదిక్కులకు
వీరవానరులను - వెదకంగఁ బనిచి
తము పొండనుచుఁ బంపె - దక్షిణంబునకు
నమరేంద్రతనయుఁడౌ - నావాలిసుతుఁడ
నంగదుఁడనువాఁడ - నర్కజుమాట
నంగీకరించి మే - మన్ని దిక్కులును
జనకజ వెదక యె - చ్చటఁ గొన లేక
పెనుడస్సి జీకటి - బిలముఁ జొచ్చితిమి5490
